லங்காசிறி FM
டொலரின் பெறுமதி 300 ரூபாய் வரையாவது குறைய வேண்டும்! பேராசிரியர் நவரத்ன பண்டா
தற்போது, நாட்டில் இறக்குமதிக் கட்டுப்பாடுகள் விதிக்கப்பட்டுள்ளன. அதனால் நமது செலவு குறைவு. எங்களின் ஏற்றுமதி வருமானம் எஞ்சியிருக்கிறது. வட்டி விகித அதிகரிப்பினாலும் கூட டொலர்களை கோரும் அளவு குறைகிறது என களனிப் பல்கலைக்கழகத்தின் பொருளியல் துறைத் தலைவர் பேராசிரியர் நவரத்ன பண்டா தெரிவித்துள்ளார்.
இது குறித்து அவர் மேலும் குறிப்பிடுவதாவது,
டொலரின் மதிப்பில் குறைவு காட்டப்படலாம். இந்தக் குறைவு ஓரளவுக்கு நல்லதுதான். ஆனால் இது பெரிய மாற்றம் இல்லை. டொலர் குறைய வேண்டுமானால் குறைந்தபட்சம் 300 ரூபாயாக குறைய வேண்டும். அப்போது ஓரளவுக்கு அனுகூலமான சூழ்நிலை ஏற்பட்டுள்ளது எனக் கூறலாம்.
ரூபாய் வலுவாக உள்ளது என்று சொல்வதை விட நமது உற்பத்தி, சுற்றுலா மற்றும் வெளிநாட்டு வேலைவாய்ப்பை ஊக்குவிக்க வேண்டும்.
தற்போது, அரசு அதிகளவில் இறக்குமதிக் கட்டுப்பாடுகளை விதித்துள்ளது. நமது ஏற்றுமதியை மேம்படுத்தி, சுற்றுலாத் துறையை மேம்படுத்த வேண்டும் என்றாலும், மேற்கு ஐரோப்பிய நாடுகளில் இருந்து சுற்றுலாப் பயணிகள் வருகை தந்தால்தான் அப்போது நாட்டிற்கு நிறைய டொலர்கள் கிடைக்கும்.
ரூபாயின் மதிப்பு வலுப்பெற, பொருளாதாரத்தை மேலும் வலுப்படுத்தும் திட்டம் அவசியம். தற்போது, டொலர் இல்லாததால், இறக்குமதி கட்டுப்பாடுகளை தளர்த்துவது கடினம்.
நடுத்தர மக்களின் வருமானம் இழக்கப்படுகிறது
IMF இடம் பெறுவது பெரிய வித்தியாசத்தை ஏற்படுத்தாது. 7-8 பில்லியன் டொலர் இருப்பை இழந்த நாட்டில் 2.9 பில்லியன் டொலர்களை வைத்து என்ன செய்ய முடியும்? ஐ.எம்.எப் என்பது இன்னொரு கடன் என்றாலும், கடன் பெறுவதன் மூலம் வெளிநாடுகளின் நம்பிக்கை உருவாகிறது.
வரிவிதிப்பால் நடுத்தர மக்களின் வருமானம் இழக்கப்படுகிறது. இது கீழ்மட்ட வகுப்பினரை பாதிக்கிறது. நடுத்தர வர்க்கத்தினர் ஒடுக்கப்படுவதுதான் பிரச்சினை.
உள்நாட்டு விவசாயம், சிறு, மற்றும் நடுத்தர விவசாயத்தில் கவனம் செலுத்தி, ஏற்றுமதியின் தரத்தை உயர்த்தி, கைத்தொழில் பொருட்களை உற்பத்தி செய்ய முடிந்தால், டொலர் பற்றி எமக்கு எந்தப் பிரச்சினையும் இல்லை.
நாம் இன்னும் மூலப்பொருளை ஏற்றுமதி செய்யும் நிலையில் இருக்கிறோம். சர்வதேச சமூகம் எங்களிடம் பொருட்களைக் கோரும் நிலைக்கு நமது பொருளாதாரம் கொண்டுவரப்பட வேண்டும். நாட்டுக்காக நேர்மையாக உழைக்க வேண்டும். தேர்தலுக்காக பிரபலமான முடிவுகளை எடுக்கக் கூடாது என குறிப்பிட்டுள்ளார்.
சரிகமப Li’l Champs சீசன் 4ல் வெற்றிப்பெற்றவர்களுக்கு கிடைத்த பரிசுத் தொகை எவ்வளவு தெரியுமா? Cineulagam
இந்த தேதியில் பிறந்த பெண்கள் அதிர்ஷ்டசாலிகளாம்.. கணவருக்கு தான் லக்- எண்கணிதம் சொல்வது என்ன? Manithan
யாழ்ப்பாணம், Edinburgh, Scotland, United Kingdom, London, United Kingdom
07 May, 2025
அனலைதீவு 7ம் வட்டாரம், Toronto, Canada, Michigan, United States, Altena, Germany
10 May, 2025
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024