லங்காசிறி FM
அரங்கு நிறைந்த மக்கள்: இலண்டனில் தூவானம் திரைப்படத்தின் சிறப்புக் காட்சி
Renuka
in ஐக்கிய இராச்சியம்
அரங்கு நிறைந்த மக்கள் மத்தியில் இலண்டனில் தூவானம் திரைப்படத்தின் சிறப்புக் காட்சியில் நேற்றைய தினம் (04.05.2023) வெகு சிறப்பாக இடம்பெற்றுள்ளது.
கிளி பீப்பிள் அமைப்பு மற்றும் யாழ். பல்கலைக்கழக மருத்துவ பீட பழைய மாணவர் சங்க இலண்டன் கிளை இணைந்து ஏற்பாடு செய்த நிகழ்வுக்குப் பார்வையாளர்கள் பெருமளவு திரண்டு வரவேற்பு அளித்துள்ளனர்.
இந்த நிகழ்வு மூலம் கிடைக்கின்ற நிதியானது, வடக்குக் கிழக்கில் அதிகரித்துவரும் போதைப்பொருள் பாவனைக்கு எதிராகப் பயன்பட உள்ளது. கிளிபீப்பிள் அமைப்பு யாழ்.பல்கலைக்கழக மருத்துவ பீட பழைய மாணவர் சங்க பிரித்தானியக் கிளையுடன் இணைந்த இந்த முயற்சியை முன்னெடுக்கின்றது.
ஈழக் கலைஞர்கள்
வைத்திய நிபுணர் சிவன் சுதன் தயாரிப்பில், கலாநிதி ரதிதரன் இயக்கத்தில், அண்மையில் வெளிவந்த ஈழத் திரைப்படமே தூவானம். ஈழத் தமிழரின் வாழ்வியல் கதையைப் பேசும் இந்த திரைப்படம், இலண்டன் சிறப்புக் காட்சியிடலில் அனைவரது மனங்களையும் கவர்ந்துள்ளது.
யுத்தத்தினால் அலைவற்று, புலம்பெயர்ந்து வாழும் உறவுகள் தாய் நிலத்தில் செய்ய வேண்டிய பணிகளையும் ஆற்ற வேண்டிய செயல்களையும் எடுத்துரைக்கும் இப் படம், புலம்பெயர் தேச உறவுகளின் உழைப்பின் மகத்துவத்தையும் பேசுகிறது.
இதேவேளை, முழுக்க முழுக்க இந்தத் திரைப்படத்தில் ஈழக் கலைஞர்கள் நடித்திருப்பது மற்றொரு சிறப்புச் செய்தியாகும். இது முக்கியப்படுத்த வேண்டிய மகிழ்ச்சிக்குரிய செய்தியாகவும் பார்வையாளர்களிடம் வெளிப்பட்டுள்ளது.
ஈழத்து சினிமா
இலண்டனில் இடம்பெற்ற சிறப்புத் திரையிடலில் படத்தின் தயாரிப்பாளர் வைத்திய நிபுணர் சிவன்சுதன் தாயகத்தில் இருந்து வந்து கலந்துகொண்டமை சிறப்பம்சமாகும்.
இத்துடன் இந்நிகழ்வில், யாழ்.பல்கலைக்கழக முன்னாள் மருத்துவ பீட பீடாதிபதியும் சத்திர சிகிச்சை நிபுணருமான பேராசிரியர் எஸ்.ரவிராஜ் அவர்கள் பிரதம விருந்தினராகக் கலந்துகொண்டு சிறப்பித்தார்.
இவர் யாழ்ப்பாண மரபுரிமை மையத்தின் உருவாக்கத்திலும் முன்னின்று பணியாற்றியவர் என்பதும் குறிப்பிடத்தக்கது. அண்மைக்காலத்தில் ஈழத்து சினிமா மீண்டும் மிடுக்குடன் தனது பயணத்தை மேற்கொண்டு வருகின்றது.
அதில் தூவானமும் குறிப்பிடத்தக்கப் படமாக அமைகின்றது. ஈழச் சினிமாவின் தனித்துவ அடையாளத்தைப் பாதுகாக்கும் பயணம் சிறப்புடன் தொடரும் நம்பிக்கையை ஏற்படுத்தும் என்பதைத் தூவானம் படமும் இலண்டன் சிறப்புத் திரையிடலும் கட்டியம் கூறுகிறது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
மூன்றாம் உலகப்போர் வெடித்தால் சேமித்துவைக்கவேண்டிய 9 உணவுகள்: பிரித்தானிய நிறுவனம் ஆலோசனை News Lankasri
இந்தியாவில் கிரிப்டோகரன்சி வைத்திருப்பவர்களுக்கு மகிழ்ச்சியான தீர்ப்பை வழங்கிய நீதிமன்றம் News Lankasri
ரஞ்சி தொடரில் கருண் நாயர் 174 ரன் விளாசல்! அர்ஜுன் டெண்டுல்கர் 100 ஓட்டங்களுக்கு 3 விக்கெட் News Lankasri
புங்குடுதீவு 11ம் வட்டாரம், புங்குடுதீவு 10ம் வட்டாரம், Montreal, Canada
25 Oct, 2020
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024