கைகளை அசைத்தபடி சிறை வாகனத்தில் ஏறிய ஷிரந்தி! கதறி அழுத ஆதரவாளர்கள்

Mahinda Rajapaksa Sri Lanka Magistrate Court Shiranthi Rajapaksa

By Shadhu Shanker Oct 07, 2026 02:02 PM GMT

Shadhu Shanker

in சமூகம்

Report

விளக்கமறியலில் வைக்கப்பட்டுள்ள முன்னாள் ஜனாதிபதி மகிந்தவின் மனைவி ஷிரந்தி ராஜபக்சவை சிறைச்சாலை வாகனத்தில் ஏற்றிச் செல்லும் போது, அங்கு கூடியிருந்த சிலர் கண்ணீர் விட்டு அழுத சம்பவம் இடம்பெற்றுள்ளது.

முன்னாள் ஜனாதிபதி மகிந்த ராஜபக்சவின் மனைவியும், முன்னாள் முதல் பெண்மணியுமான ஷிரந்தி ராஜபக்ச கையூட்டல் மற்றும் ஊழல் ஒழிப்பு விசாரணை ஆணைக்குழுவினால் இன்று(07.10.2026) காலை கைது செய்யப்படிருந்த நிலையில் அவரை விளக்கமறியலில் வைக்குமாறு உத்தரவிடப்பட்டுள்ளது.

சிறைச்சாலை வாகனம்

கொழும்பு புதுக்கடை நீதிமன்றத்தில் இந்த வழக்கு தொடர்பான விசாரணை முன்னெடுக்கப்பட்டு வந்த நிலையில் அவரை எதிர்வரும் 13ஆம் திகதி வரை விளக்கமறியலில் வைக்குமாறு உத்தரவு பிறப்பிக்கப்பட்டுள்ளது.

இதேவேளை அவரை கண் தொடர்பான பரிசோதனைக்காக நவலோக வைத்தியசாலைக்கு அழைத்து செல்ல அனுமதி வழங்கியுள்ளது.

கைகளை அசைத்தபடி சிறை வாகனத்தில் ஏறிய ஷிரந்தி! கதறி அழுத ஆதரவாளர்கள் | Shiranthi Rajapaksa Produced In Prison

இந்தநிலையில், ஷிரந்தி ராஜபக்சவை சிறைச்சாலை வாகனத்தில் ஏற்றிச் செல்லும் போது, அங்கு கூடியிருந்த சிலர் உணர்ச்சிவசப்பட்டு கண்ணீர் விட்ட சம்பவமும் இடம்பெற்றுள்ளது.

இந்த காட்சிகள் தற்போது சமூக வலைத்தளங்களில் அதிகம் கவனம் பெற்று வருகின்றன.

ஷிரந்தி ராஜபக்ச சிறைச்சாலை வாகனத்தில் ஏறும் போது தனது கைகளை அசைத்தவாறு வாகனத்தில் ஏறியுள்ளார்.