லங்காசிறி FM
தொடருந்து கட்டமைப்பை மீளமைக்க சீனாவிடம் உதவி கோரும் அநுர
பேரிடரால் சேதமடைந்த தொடருந்து கட்டமைப்பை மீளமைப்பதற்குத் தேவையான தொழிநுட்ப ஒத்துழைப்பை வழங்குமாறு சீனாவிடம், இலங்கை கோரிக்கை விடுத்துள்ளது.
இலங்கைக்கு பயணம் மேற்கொண்டுள்ள சீன தேசிய மக்கள் காங்கிரஸின் உப தலைவர் வாங் டோங்மிங் உள்ளிட்ட சீனத் தூதுக் குழுவினர் ஜனாதிபதி அநுரகுமார திஸாநாயக்கவை நேற்று சந்தித்துப் பேச்சு நடத்தினர்.
இதன்போதே ஜனாதிபதி அநுரகுமார திஸாநாயக்க மேற்படி கோரிக்கையை விடுத்தார்.
நன்றி தெரிவிப்பு
இலங்கைக்கு விஜயம் மேற்கொண்டமை தொடர்பில் சீன தேசிய மக்கள் காங்கிரஸின் உப தலைவர் உள்ளிட்ட தூதுக் குழுவினருக்கு ஜனாதிபதி அநுரகுமார திஸாநாயக்க நன்றி தெரிவித்தார்.
பாதிக்கப்பட்ட மக்களுக்கு நிவாரணம் வழங்க சீனா இலங்கைக்கு வழங்கிய பொருள் மற்றும் நிதி உதவியையும் அவர் மனப்பூர்வமாக பாராட்டினார்.
அத்துடன், இலங்கை எதிர்கொண்ட அனர்த்த நிலைமை மற்றும் மறுசீரமைப்பு முன்னெடுப்புகள் தொடர்பில் சீனப் பிரதிநிதிகளுக்கு ஜனாதிபதி தெளிவுபடுத்தினார்.
ஜனாதிபதி விளக்கம்
"பாதிக்கப்பட்ட மக்களை மீட்பதே அரசின் பிரதான பிரயத்தனமாக இருந்தது. அதன்பின்னர் அவர்களைப் பாதுகாப்பான இடங்களில் தங்க வைத்து உணவு மற்றும் சுகாதாரம் போன்ற அடிப்படை வசதிகளை வழங்குவதற்கு நடவடிக்கை எடுக்கப்பட்டது" என்றும் ஜனாதிபதி விளக்கமளித்தார்.
அவர்களின் இயல்பு வாழ்க்கையை வழமை நிலைக்குக் கொண்டு வருவதற்காகத் திட்டமிடப்பட்ட வகையில் பணியாற்றி வருவதாகவும் அவர் சுட்டிக்காட்டினார்.
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
