லங்காசிறி FM
மட்டக்களப்பில் இடம்பெறும் மணல் கொள்ளை குறித்து வெளியான தகவல்!
மட்டக்களப்பில் தண்ணீர் ஓடும் வாய்க்கால்களில் இரவில் மணல் கொள்ளை இடம்பெறுவதை புதிய அரசுக்கு நிறுத்த முடியாதா என்று முன்னாள் கிழக்கு மாகாண சபை உறுப்பினர் இரா.துரைரெத்தினம் கேள்வி எழுப்பியுள்ளார்.
கிழக்கு மாகாணசபை முன்னாள் உறுப்பினர் இரா.துரைரெத்தினம் (ஈ.பி.ஆர்.எல்.எப்) ஊடக அறிக்கை ஒன்றை வெளியிட்டு இந்த கேள்வியை எழுப்பியுள்ளார். அந்த அறிக்கையில்,போரதீவுப்பற்று (வெல்லாவெளி), மண்முனை தென்மேற்கு (பட்டிப்பளை), மண்முனை மேற்கு (வவுணதீவு), ஏறாவூர்பற்று (செங்கலடி), கோறளைப்பற்று தெற்கு(கிரான்), கோறளைப்பற்று வடக்கு (வாகரை) போன்ற பிரதேச செயலக பிரிவிற்குட்பட்ட மத்திய, மாகாண நீர்பாசனத்திற்குச் சொந்தமானதும், ஏனைய வனவள திணைக்களத்திற்கு சொந்தமான காணிகளில் மணல் கொள்ளை இடம்பெறுகின்றது.
மணல் கொள்ளை
இரவு ஏழு மணி தொடக்கம் அதிகாலை ஐந்து மணிவரையும் மணல் மாபியாக்களால் முப்பதிற்கு மேற்பட்ட நீரோடைகள், வாய்க்கால்கள், தாய் ஆறுகள் ஊடாக வரும் கிளை வாய்க்கால்கள், ஓடைகள் போன்றவற்றில் சராசரியாக நாள் ஒன்றிற்கு முண்ணூறுக்கு மேற்பட்ட கனரக வாகனங்களில் தவறான முறையில் மணல் ஏற்றப்பட்டு மணல் லோடுகள் சில மணல் சேகரித்து வைக்கப்படும் யாட்டுக்களில் குவிக்கப்படுகின்றன.
இச் செயகள் சுமார் இருபதிற்கும் மேற்பட்டவர்களின் தலைமையில் மேற்கொள்ளப்படுகின்றன.
இதற்கு ஒரு சில பொலிசாரும் உடந்தையாக மணல் திருட்டு வேலைகளில் ஈடுபட்டுவருவதாகவும் இவர்களில் ஒரு சிலர் பாதுகாப்பு பிரிவினருடன் தொடர்பை வைத்துக் கொண்டு கப்பம் வழங்கி மணல் திருட்டு வேலைகளில் பல வருட காலமாக ஈடுபட்டு வருகின்றனர்.
இது நீர்பாசன திணைக்களத்திற்கோ அல்லது வனவளத் திணைக்களத்திற்கோ தெரியாதா? புதிய அரசின் கையாலாகாத சட்ட ஒழுங்கை நடைமுறைப்படுத்த முடியாத பலவீனத்தைக் காட்டும் செயல் அல்லவா?
எனவே இது தொடர்ந்தால் மாவட்டத்தின் இயற்றை சூழலும்,ஏனைய சுற்றுச் சூழலும், பாதிக்கப்பட்டு பாரிய வெள்ள அனர்த்தமும் ஏற்படும். இது புதிய அரசுக்குத் தெரியாதா? என அவர் அறிக்கையில் சுட்டிக்காட்டியுள்ளார்.
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024