லங்காசிறி FM
சீனாவுடன் இணைந்து நிலவில் ஒரு கூட்டு ஆராய்ச்சி மையத்தை உருவாக்கும் ரஷ்யா
சீனாவுடன் இணைந்து நிலவில் ஒரு கூட்டு ஆராய்ச்சி மையத்தை உருவாக்கும் திட்டத்தின் ஒரு பகுதியாக, அங்கு ஒரு மின் உற்பத்தி நிலையத்தை அமைக்க ரஷ்யா திட்டமிட்டுள்ளது.
அடுத்த பத்தாண்டுகளுக்குள், அதாவது 2036ஆம் ஆண்டிற்குள் இந்த நிலவு மின்நிலையம் கட்டி முடிக்கப்படும் என்று ரஷ்யாவின் விண்வெளி நிறுவனமான ரோஸ்கோஸ்மாஸ் (Roscosmos) அறிவித்துள்ளது.
சர்வதேச நிலவு ஆராய்ச்சி நிலையம்
ரஷ்யாவின் லாவோச்ச்கின் விண்வெளி நிறுவனம் (Lavochkin Space Company) மற்றும் சீனாவின் விண்வெளி ஆய்வு நிறுவனம் ஆகியவை இணைந்து இந்த சர்வதேச நிலவு ஆராய்ச்சி நிலையத்தை அமைக்கின்றன.
நிலவில் இயங்கும் ரோவர்கள் (Rovers), விண்வெளி ஆய்வகங்கள் மற்றும் அங்கு அமைக்கப்படவுள்ள பிற உள்கட்டமைப்புகளுக்குத் தேவையான தடையில்லா மின்சாரத்தை வழங்குவதே இந்த நிலையத்தின் முக்கிய நோக்கமாகும்.
இந்த மின்நிலையம் அணுசக்தி மூலம் இயங்குமா என்பதை ரோஸ்கோஸ்மாஸ் அதிகாரப்பூர்வமாக உறுதிப்படுத்தவில்லை என்றாலும், ரஷ்யாவின் அரச அணுசக்தி நிறுவனமான ரோசாட்டம் (Rosatom) மற்றும் குர்ச்சடோவ் நிறுவனம் இதில் பங்கேற்பது, இது ஒரு அணுமின் நிலையமாக இருக்கலாம் என்ற எதிர்பார்ப்பை ஏற்படுத்தியுள்ளது.
தீவிர முயற்சி
கடந்த 2023ஆம் ஆண்டு ரஷ்யாவின் 'லூனா-25' விண்கலம் நிலவில் மோதி விபத்துக்குள்ளான நிலையில், விண்வெளி ஆய்வில் தனது ஆதிக்கத்தை மீண்டும் நிலைநாட்ட ரஷ்யா இந்த தீவிரமான முயற்சியில் இறங்கியுள்ளது.
இந்தத் திட்டம் வெற்றியடையும் பட்சத்தில், நிலவில் நீண்ட காலத்திற்கு மனிதர்கள் தங்கி ஆய்வு செய்வதற்குத் தேவையான அடிப்படை வசதிகள் உறுதி செய்யப்படும் என எதிர்பார்க்கப்படுகிறது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
புங்குடுதீவு 7ம் வட்டாரம், வேலணை 5ம் வட்டாரம், Markham, Canada
25 Dec, 2025
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022
புங்குடுதீவு 11ம் வட்டாரம், புங்குடுதீவு 2ம் வட்டாரம், Hannover, Germany
28 Dec, 2022
அனலைதீவு 3ம் வட்டாரம், சங்கானை, யாழ்ப்பாணம், கொழும்பு, Scarborough, Canada
21 Dec, 2025
