லங்காசிறி FM
நிலச்சரிவில் காணாமல் போனோர் தொடர்பில் சர்வதேச நிபுணத்துவத்தை நாடுமாறு அரசாங்கத்திடம் கோரிக்கை
நிலச்சரிவுகளில் புதைக்கப்பட்ட உடல்களை மீட்பதற்கும், டிட்வா சூறாவளி பேரழிவைத் தொடர்ந்து காணாமல் போனதாக கூறப்படுவோரை கண்காணிப்பதற்கும் சர்வதேச நிபுணத்துவத்தை பெறுமாறு காணாமல் போனோர் அலுவலகம் அரசாங்கத்தைக் கோரியுள்ளது.
அலுவலக ஆணையாளர் மீராக் ரஹீம் இதனை தெரிவித்துள்ளார்.
வலியுறுத்தப்பட்டுள்ள விடயம்
இதன்படி நிலச்சரிவுகளுக்கு பிறகு காணாமல்போனவர்களின் உடல்களை மீட்பதில் நிபுணத்துவம் பெற்ற சர்வதேச குழுக்களின் உதவியை கோருமாறு தமது அலுவலகம் அரசாங்கத்திடம் வலியுறுத்தியுள்ளதாக மிராக் ரஹீம் ஆங்கில செய்தித்தாள் ஒன்றிடம் தெரிவித்துள்ளார்.
இதனால் குடும்பங்கள் இறந்தவர்களுக்கு உரிய கண்ணியத்துடன் இறுதிச் சடங்குகளை நடத்த முடியும் என்று அவர் சுட்டிக்காட்டியுள்ளார்.
காணாமல் போனவர்கள் மற்றும் காணாமல் போனவர்களின் குடும்பங்களைக் கையாள்வதில் தமது அனுபவத்தைப் பயன்படுத்தி, டிட்வா சூறாவளி காரணமாக காணாமல் போனவர்களின் உடல்களை மீட்டெடுப்பதற்கான தேடலுக்கு முன்னுரிமை அளிப்பதன் முக்கியத்துவத்தையும் தமது அலுவலகம் வலியுறுத்தியுள்ளதாக ரஹீம் தெரிவித்துள்ளார்.
காணாமல் போனவர்களின் உடல்களை மீட்க ஐக்கிய அரபு எமிரேட்ஸின் விரைவான குழுவின் தொடர்ச்சியான மனிதாபிமான முயற்சிகளை ரஹீம் சுட்டிக்காட்டியுள்ளார்.
இறப்புச் சான்றிதழ் வழங்கும் பணி
இதற்கிடையில், புதிய வர்த்தமானி அறிவிப்பைத் தொடர்ந்து, பேரிடர் பாதிக்கப்பட்ட பகுதிகளில் காணாமல்போனவர்களின் குடும்பங்களுக்கு இறப்புச் சான்றிதழ்களை வழங்கும் பணியை பதிவாளர் நாயகம் அலுவலகம் தொடங்கியுள்ளது.
அதன்படி, காணாமல் போனவரின் குடும்பத்தினர், தமது உறவுகள் காணாமல் போனது குறித்து சம்பந்தப்பட்ட கிராம சேவகரிடம் ஒரு பிரமாணப் பத்திரத்தை சமர்ப்பிக்கலாம். ஏதேனும் ஆட்சேபனைகள் இருந்தால், இந்த பிரமாணப் பத்திரம் இரண்டு வாரங்களுக்கு பொதுவில் காட்சிப்படுத்தப்படும்.
அதன் பிறகு, சம்பந்தப்பட்ட பிராந்திய பதிவாளர் அலுவலகங்கள், பிரதேச செயலாளரின் பரிந்துரை மற்றும் மரண விசாரணை அதிகாரியின் துணை ஆவணங்களுடன் வரும் பாதிக்கப்பட்ட குடும்பங்களுக்கு இறப்புச் சான்றிதழ்களை வழங்க அறிவுறுத்தப்படும்.
இதேவேளை திணைக்கள தகவல்படி, நிலச்சரிவுகளில் காணாமல் போனதாக அறிவிக்கப்பட்டவர்களுக்கு இதுவரை குறைந்தது 126 இறப்புச் சான்றிதழ்கள் வழங்கப்பட்டுள்ளன.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அமெரிக்கா ராணுவத்தில் களமிறங்கிய மாயாவி..! பென்டகன் கையிலெடுத்த Project Maven AI திட்டம் News Lankasri
எனக்கு உங்கள ரொம்ப பிடிக்கும்.. நிலாவிடம் கண்கலங்கிய சோழன்.. அய்யனார் துணை சீரியல் புரோமோ Cineulagam
ஈரான் தாக்குதலுக்கு பிரிட்டிஷ் இராணுவ தளம் பயன்படுத்தப்படாது! தெளிவுபடுத்திய பிரித்தானிய அரசு News Lankasri
புதன் உருவாகும் நீச்சபங்க ராஜயோகம்: ஏப்ரலில் இந்த ராசிகளுக்கு அதிர்ஷ்ட கதவு திறக்கப்போகுது! Manithan
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
