லங்காசிறி FM
திலீபன் சிலையை அகற்றியது அரசின் கோர முகத்தின் வெளிப்பாடு - சிறீதரன் பகிரங்கம்
நல்லூரில் அமைக்கப்பட்ட தியாக தீபம் திலீபனின் திருவுருவச் சிலையை பொலிஸார் உடைத்து எடுத்துச் சென்றமை அரசின் தமிழ் மக்கள் மீதான கோர முகத்தின் வழிபாடு என நாடாளுமன்ற உறுப்பினர் சிவஞானம் சிறீதரன் தெரிவித்துள்ளார்.
நேற்று(27.09.2026) நல்லூரில் அமைந்துள்ள தியாக தீபம் திலீபனின் நினைவிடத்திற்கு முன்னால் இடம் பெற்ற கவனயீர்ப்பு போராட்டத்தில் கலந்து கொண்டு கருத்து தெரிவிக்கும் போது இவ்வாறு குறிப்பிட்டுள்ளார்.
திலீபனின் நினைவிடத்திற்கு சென்று
மேலும் தெரிவிக்கையில் அகிம்சை வழியில் தமிழ் மக்களுக்காக தனது இன்னுயிரை நீர்த்த ஒரு தியாக தீபத்தின் திருவுருவச்சிலையை பொலிஸார் அகற்றியது தமிழின அடக்கு முறையின் வெளிப்பாடு.
தமிழ் மக்கள் மீது காலம் காலமாக மேற்கொள்ளப்பட்டு வரும் அடக்குமுறைகளின் வெளிப்பாடாக திலீபனின் உருவச்சிலை பொலிஸாரின் உதவியுடன் அடாவடித்தனமாக அகற்றப்பட்டிருக்கிறது.
தியாக தீபத்தின் உருவச்சிலை வைக்கப்பட்ட நாட்களில் நாட்டில் எந்தவிதமான அமைதிக்கும் தேசிய பாதுகாப்புக்கும் குந்தகம் இல்லாமல் வழிபாடுகள் இடம் பெற்று வந்த நிலையில் பொலிஸாரால் சிலை அகற்றப்பட்டமை அரசின் தமிழ் மக்கள் மீது காட்டுகின்ற கோர முகத்தின் வெளிப்பாடாகவே பார்க்கிறேன்.
யாழ்ப்பாணம் வருகை தரும் சிங்கள மக்கள் பலர் திலீபனின் நினைவிடத்திற்கு சென்று பார்வையிட்டு வரும் நிலையில் அவசரமாக சிலையை அகற்ற வேண்டிய காரணம் என்ன.
ஆகவே தியாக தீபத்தின் திரு உருவச்சிலையை மீண்டும் அதே இடத்தில் அமைப்பதற்கு உரிய நடவடிக்கையினை அரசாங்கம் மேற்கொள்ள வேண்டும் எனவும் மேலும் தெரிவித்துள்ளார்.
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
