கிளிநொச்சியில் ஆபத்தான நிலையிலுள்ள மரங்களை அகற்றும் நடவடிக்கை தீவிரம் (Photos)

Kilinochchi Mullaitivu Sri Lankan Peoples

By Erimalai Oct 26, 2023 01:53 PM GMT

Erimalai

in சமூகம்

Report

கிளிநொச்சி மாவட்டத்தில் ஆபத்தான நிலையிலுள்ள மரங்களை அகற்றும் நடவடிக்கை தீவிரப்படுத்தப்பட்டுள்ளது.

அதன்படி வட்டக்கச்சி பிரதான வீதியில் ஆபத்தான நிலையில் காணப்பட்ட மரம் அகற்றப்பட்டுள்ளது.

கரைச்சி பிரதேசசபையின் முன்னாள் உறுப்பினர் ஜீவராஜின் கோரிக்கைக்கு அமைவாக குறித்த நடவடிக்கை முன்னெடுக்கப்பட்டுள்ளது.

கிளிநொச்சியில் ஆபத்தான நிலையிலுள்ள மரங்களை அகற்றும் நடவடிக்கை தீவிரம் (Photos) | Removal Of Dangerous Trees

ஆபத்தான நிலையில் காணப்பட்ட மரம்

முல்லைத்தீவு மாவட்டத்துக்கான பிரதான மின் விநியோகம் இடம்பெறும் மற்றும் மக்கள் அதிகமாக பயன்படுத்தும் வீதியில் ஆபத்தான நிலையில் காணப்பட்ட மரமே இவ்வாறு அகற்றப்பட்டுள்ளது.

அரசாங்க மரக்கூட்டுத்தாபன கிளிநொச்சி உதவி பிரதேச முகாமையாளர், ஊழியர்கள், மின்சார சபை ஊழியர்கள், இடர் முகாமைத்துவ பிரிவினர், கரைச்சி பிரதேச சபையினர் முன்னிலையாகியிருந்த நிலையில் குறித்த மரம் அகற்றப்பட்டுள்ளது.

மேலும் கிளிநொச்சி நகரில் 29 ஆபத்தான மரங்கள் மற்றும் கிளைகள் அகற்றுவதற்காக அடையாளப்படுத்தப்பட்டு, அனுமதி பெறுவதற்காக அனுப்பப்பட்டுள்ளதாக அரசாங்க மரக் கூட்டுத்தாபனத்தினர் தெரிவித்துள்ளனர்.