இந்திய அரசாங்கத்தின் நிவாரணப் பொதிகள்: கிளிநொச்சி பிரதேச செயலகங்களுக்கு பகிர்ந்தளிப்பு (Photos)

Kilinochchi Sri Lanka Economic Crisis Sri Lanka India

By Yathu Jun 03, 2022 06:53 AM GMT

Yathu

in சமூகம்

Report

இந்திய அரசாங்கத்தினால் இலங்கைக்கு வழங்கப்பட்ட நிவாரண பொதிகள் இரவிரவாக கிளிநொச்சியில் உள்ள பிரதேச செயலகங்களுக்கு விநியோகிக்கும் பணிகள் முன்னெடுக்கப்பட்டுள்ளன.

இவ் நிவாரணப் பொதிகள் புகையிரதம் ஊடாக நேற்று (02) கொண்டு வரப்பட்டுள்ளன.

புகையிரதத்தில் எடுத்துவரப்பட்ட உணவு பொதிகள் கிளிநொச்சி புகையிரத நிலையத்தில் மாவட்ட அரசாங்க அதிபர் தலைமையில் இறக்கப்பட்டு நான்கு பிரதேச செயலகங்களுக்கும் அனுப்பிவைக்கப்பட்டுள்ளன.

[BLWRPT[

மாவட்டச்செயலக அதிகாரிகள்,பிரதேச செயலாளர்கள், மாவட்டச்செயலக பிரதேச செயலக உத்தியோகத்தர்கள் இணைந்து பொதிகளை இறக்கி ஏற்றும் பணியில் ஈடுபட்டிருந்தனர்.

இந்திய அரசாங்கத்தின் உதவி

450 பொதிகளில் 222500 கிலோக்கிராம் அரிசியும் 50 பொதிகளில் 1kg நிறையுடைய 750 பால்மா பைக்கற்றுக்களும் கிடைக்கப்பெற்றுள்ளன.

இவை பிரதேச செயலகங்கள் ஊடாக 20000 குடும்பங்களுக்கு பகிர்ந்தளிக்கப்படவுள்ளதாக மாவட்ட அரசாங்க அதிபர் றூபவதி கேதீஸ்வரன் தெரிவித்துள்ளார்.

இந்திய அரசாங்கத்தின் நிவாரணப் பொதிகள்: கிளிநொச்சி பிரதேச செயலகங்களுக்கு பகிர்ந்தளிப்பு (Photos) | Relief Packages Of The Government Of India

அதனடிப்படையில் கரைச்சி பிரதேச செயலர் பிரிவில் 10900 பயனாளிகளுக்கும், கண்டாவளை பிரதேச செயலர் பிரிவில் 3720 பயனாளிகளுக்கும், பூநகரி பிரதேச செயலர் பிரிவில் 3380 பயனாளிகளுக்கும், பச்சிலைப்பள்ளி பிரதேச செயலர் பிரிவில் 2000 பயனாளிகளுக்குமாக மொத்தமாக 20000 பயனாளிகளுக்கு இவ் நிவாரண பொருட்கள் பகிர்ந்தளிக்கப்படவுள்ளமை குறிப்பிடத்தக்கது.

தெஹிவளையில் வங்கப் புலிக்குட்டிகள் (Photos)