லங்காசிறி FM
கெஹலியவின் புதல்வர் வீட்டில் கொள்ளை! அவசரமாக சேமிப்புக்கிடங்கிற்கு மாற்றப்பட்டுள்ள சொத்துக்கள்
முன்னாள் அமைச்சர் கெஹலிய ரம்புக்வெல்லவின் மகனும் முன்னாள் கிரிக்கெட் வீரருமான ரமித் ரம்புக்வெல்லவுக்கு சொந்தமான வீட்டில் கொள்ளையிடப்பட்டுள்ளதாக தெரிவிக்கப்படுகி்ன்றது.
குறித்த வீட்டில் உள்நாட்டு மற்றும் வெளிநாட்டுப் பணம், வீட்டு உபகரணங்கள் உள்ளிட்ட பல சொத்துக்கள் திருடப்பட்டுள்ளதாக நாராஹேன்பிட்டி பொலிஸ் நிலையத்தில் முறைப்பாடு செய்யப்பட்டுள்ளது.
வீட்டிலிருந்து 4,275 அமெரிக்க டொலர்கள் திருட்டு
குறித்த முறைப்பாட்டின் படி, கொழும்பு நாராஹேன்பிட்டியில் உள்ள வீடமைப்புத் தொகுதியொன்றில் அமைந்துள்ள வீட்டிலிருந்து 4,275 அமெரிக்க டொலர்கள், 14 இலட்சம் ரூபா பணம் மற்றும் பல்வேறு வீட்டு உபகரணங்கள் திருடப்பட்டுள்ளதாக தெரிவிக்கப்பட்டுள்ளது.
இத்திருட்டு கடந்த ஆகஸ்ட் மாதம் 08 ஆம் திகதிக்கும் செப்டம்பர் மாதம் 30 ஆம் திகதிக்கும் இடைப்பட்ட காலப்பகுதியில் இடம்பெற்றுள்ளதாக அந்த முறைப்பாட்டில் மேலும் குறிப்பிடப்பட்டுள்ளது.
எவ்வாறாயினும், ரமித் ரம்புக்வெல்லவின் முறைப்பாட்டின் அடிப்படையில் மேற்கொள்ளப்பட்ட ஆரம்பகட்ட விசாரணைகளில், குறித்த வீடு அவரது மனைவியின் தந்தைக்குச் சொந்தமானது என தெரியவந்துள்ளது.
சேமிப்புக்கிடங்கு ஒன்றுக்கு மாற்றப்பட்டுள்ள சொத்துக்கள்
அத்துடன், மனைவியின் தந்தையின் அறிவுறுத்தலுக்கு அமையவே ரமித் ரம்புக்வெல்லவுக்குச் சொந்தமான பொருட்கள் மற்றும் சொத்துக்கள் நுகேகொட பகுதியில் உள்ள சேமிப்புக்கிடங்கு ஒன்றுக்கு மாற்றப்பட்டுள்ளதாக பொலிஸ் விசாரணைகளில் தெரியவந்துள்ளதாக பொலிஸார் தெரிவித்துள்ளனர்.
தற்போது வெளிநாட்டில் வசிக்கும் ரமித் ரம்புக்வெல்லவின் மனைவியின் தந்தையும் இச்சம்பவம் தொடர்பில் மின்னஞ்சல் ஊடாக பொலிஸில் முறைப்பாடு ஒன்றை மேற்கொண்டுள்ளார்.
இச்சம்பவம் தொடர்பான தகவல்களை நீதிமன்றத்தில் சமர்ப்பிக்க நடவடிக்கை எடுக்கப்பட்டு வருவதுடன், நாராஹேன்பிட்டி பொலிஸார் மேலதிக விசாரணைகளை மேற்கொண்டு வருகின்றனர்.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
