லங்காசிறி FM
இலங்கை வங்கியின் புத்தளம் கிளையில் அடகு வைக்கப்பட்ட போலி ஆபரணங்கள்! பொலிஸார் தீவிர விசாரணை(Video)
இலங்கை வங்கியின் புத்தளம் கிளையில் ஒருவர் பழைய தங்க ஆபரணங்களுடன் போலி ஆபரணங்களையும் அடகு வைத்த சம்பவம் ஒன்று பதிவாகியுள்ளது.
இந்த சம்பவம் நேற்று முன்தினம்(04.08.2023) இடம்பெற்றுள்ளதாக பொலிஸார் தெரிவித்துள்ளனர்.
இதன் பின்னர் வங்கியின் முகாமையாளர் ஆபரணங்களை பரீட்சித்துப் பார்த்தபோது போலி ஆபரணங்கள் கண்டுபிடிக்கப்பட்டுள்ளதுடன் பொலிஸ் நிலையத்தில் முறைப்பாடு செய்துள்ளார்.
பொலிஸ் நிலையத்தில் முறைப்பாடு
குறித்த முறைப்பாட்டிற்கமைய பிரதான சந்தேகநபர் உட்பட நான்கு பேர் குற்றத் தடுப்புப் பொலிஸ் பிரிவினரால் நேற்று(05.08.2023) கைது செய்யப்பட்டுள்ளனர்.
இவ்வாறு கைது செய்யப்பட்ட சந்தேகநபர்களிடமிருந்து விசாரணைகளை மேற்கொண்டபோது தங்க ஆபரணங்கள் செய்யும் இயந்திரத்தின் மூலம் Tugstan எனும் உலோகப்பொருளினால் குறித்த போலி ஆபரணங்களைத் தயாரித்துள்ளதாக தெரியவந்ததாக பொலிஸார் தெரிவித்துள்ளனர்.
இதன்போது சந்தேகநபர்களின் வீட்டினை சோதனைக்குற்படுத்தியபோது போலி ஆபரணங்கள் தயாரிக்கும் இயந்திரம், ஆபரணங்களை உருக்குவதற்கு பயன்படுத்தப்படும் உபகரணங்கள் மற்றும் போலி ஆபரணங்கள் தயாரிக்கும் அளவு அச்சுக்கள் என்பன சிக்கியுள்ளன.
போலி நகைகளை அடகு
இதுபோன்று ஏழு வங்கிகளில் இவ்வாறு போலி நகைகளை அடகு வைத்துள்ளதாக சந்தேகநபர்கள் விசாரணைகளின் போது தெரிவித்ததாக குற்றத்தடுப்புப் பொலிஸ் பிரிவினர் தெரிவித்துள்ளனர்.
அத்துடன், புத்தளம் மற்றும் பாலாவி இலங்கை வங்கி கிளைகளிலிருந்து முறைப்பாடுகள் கிடைக்கப்பெற்றுள்ளதாகவும் மீதமுள்ள வங்கிகளில் இது தொடர்பில் விசாரணைகளை முன்னெடுக்கப்பட உள்ளதாகவும் குற்றத்தடுப்பு பொலிஸ் பிரிவினர் தெரிவித்தனர்.
குறித்த குற்றச்சாட்டில் கைது செய்யப்பட்ட பிரதான சந்தேகநபர் சிராம்பையடி பகுதியைச் சேர்ந்தவரெனவும் ஏனையவர்கள் மணல்குன்று, மற்றும் சின்ன நாகவில்லு பகுதிகளைச் சேர்ந்தவர்கள் என அடையாளம் காணப்பட்டுள்ளதாக பொலிஸார் தெரிவித்தனர்.
மேலும் இந்த சம்பவம் தொடர்பில் சந்தேகநபர்களிடமிருந்து தொடர்ந்தும் விசாரணைகளை
மேற்கொண்டு வருவதாக புத்தளம் பொலிஸார் தெரிவித்தனர்.
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024