எரிபொருள் விலை அதிகரிப்பு தொடர்பில் ஜனாதிபதி சபையில் வெளியிட்ட அறிவிப்பு

தற்போதைய விலை நிர்ணய சூத்திரத்தின்படி, சர்வதேச சந்தையில் எரிபொருளின் விலை ஒரு டொலர் உயர்ந்தால், நாட்டின் சந்தையில் எரிபொருளின் விலை இரண்டு ரூபாய் உயரும் என ஜனாதிபதி அநுர குமார திசாநாயக்க கூறியுள்ளார். 

ஜனாதிபதி இன்று (20) நாடாளுமன்றில் வைத்து இந்த விடயத்தை தெரிவித்துள்ளார். 

அவர் மேலும் தெரிவிக்கையில், அமெரிக்க டொலருக்கு எதிராக ரூபாயின் மதிப்பு சரிவதை விட, உலகளாவிய எரிபொருள் விலைகளின் உயர்வால் தான் முதன்மையான பாதிப்பு ஏற்படுகிறது.

உலகளவில், எரிபொருள் விலை உயர்வு சுமார் 6% முதல் 50% வரை இருப்பதால், நாடுகள் கடினமான முடிவுகளை எடுக்க வேண்டிய கட்டாயத்தில் உள்ளன.

தகர்க்கப்படும் அமெரிக்க இராணுவ தளங்கள்! கிளஸ்டர் குண்டுகளால் திணறும் வளைகுடா

உலகளாவிய விலைகள் 49% வரை உயர்ந்துள்ள நிலையில், உள்நாட்டு விலை உயர்வு 8% ஆக மட்டுமே உள்ளது. நாட்டின் எரிபொருள் தேவைகளில் 57% எண்ணெய் கூட்டுத்தாபனத்தாலும், 43% தனியார் துறையாலும் பூர்த்தி செய்யப்படுகிறது.

அதன்படி, நாட்டிற்கு இறக்குமதி செய்யப்படும் எரிபொருளுக்கான தற்போதைய விலையை தனியார் துறை கோரியுள்ளது, அதன்படி, எரிபொருள் விலை குறித்து உடனடியாக ஒரு முடிவு எடுக்கப்பட வேண்டும்.

எண்ணெய் இறக்குமதி

தற்போது இறக்குமதி செய்யப்படும் எண்ணெய்க்கு தற்போதைய விலை வழங்கப்படாவிட்டால், நாங்கள் அதை இறக்குமதி செய்ய மாட்டோம் என்று அவர்கள் கூறுகிறார்கள். அது நியாயமானது.

அவர்களின் கணக்கீடுகளின்படி, ஒரு கப்பலுக்கு அவர்களுக்கு 55 மில்லியன் டொலர் நஷ்டம் ஏற்படுகிறது. இவ்வளவு பெரிய நஷ்டத்தை ஏற்படுத்துவதற்காக யாரும் எண்ணெயைக் கொண்டு வருவதில்லை.

இந்த எரிபொருள் விநியோகத்திற்குத் தனியார் துறை பங்களிக்க வேண்டும். ஆனால், அவர்களால் கட்டுப்பாட்டு விலையில் விற்க முடிந்தால் மட்டுமே அவர்கள் பங்களிப்பார்கள். நாம் எரிபொருள் விலைகள் குறித்து மிக விரைவாகச் செயல்பட வேண்டும் என குறிப்பிட்டுள்ளார்.  

மகிந்தவுக்கு ஏற்பட்டுள்ள பாரிய சிக்கல்! முன்னரே அறிந்த நாமல் ராஜபக்ச..

எரிபொருள் கப்பல்களின் வருகை

மசகு எண்ணெய் விநியோகத்தில் ஏற்பட்டுள்ள தடைகள் குறித்து விளக்கிய ஜனாதிபதி, புஜைரா துறைமுகத்தில் ஏற்பட்ட விபத்து காரணமாக இலங்கைக்கு வரவிருந்த 90 ஆயிரம் மெட்ரிக் தொன் மசகு எண்ணெய் கப்பல் வராது என்று தெரிவித்தார்.

இதனை நிவர்த்தி செய்ய மார்ச் 5ஆம் திகதி கோரப்பட்ட டெண்டர் அடிப்படையில் புதிய கப்பல்கள் ஏப்ரல் மாதத்தில் நாட்டை வந்தடையவுள்ளன.

• ஏப்ரல் 6 - 7: டீசல் கப்பல்
• ஏப்ரல் 10 - 11: விமானங்களுக்கான 'ஜெட் ஏ-1' எரிபொருள் கப்பல்
• ஏப்ரல் 12 - 13: மசகு எண்ணெய் கப்பல்
• ஏப்ரல் 16 - 17: பெற்றோல் கப்பல்

வரி வருமானம்

எரிபொருள் மூலம் அரசுக்குக் கிடைக்கும் வருவாய் குறித்தும் ஜனாதிபதி இதன்போது குறிப்பிட்டார்.

கடந்த ஆண்டு டீசல் மீதான வரியூடாக மட்டும் 240 பில்லியன் ரூபா வருமானம் கிடைத்துள்ளது என்றும், மாதாந்தம் எரிபொருள் மூலம் சராசரியாக 20 பில்லியன் ரூபா வரி வருமானம் கிடைத்துள்ளது என்றும் அவர் தெரிவித்தார்.

மேலதிக தகவல் - ராகேஷ்