25,000 கொடுப்பனவு தொடர்பில் ஜனாதிபதி அதிகாரிகளுக்கு விடுத்துள்ள பணிப்புரை

Anura Kumara Dissanayaka Government Employee Government Of Sri Lanka Weather

By Dhayani Dec 16, 2025 07:10 AM GMT

Dhayani

in சமூகம்

Report

வெள்ளத்தால் பாதிக்கப்பட்ட வீடுகளை சுத்தம் செய்வதற்காக அரசாங்கம் வழங்கும் ரூ.25,000 கொடுப்பனவு தொடர்பாக எழுந்துள்ள பிரச்சினைகளை தீர்க்கவும், இந்த வாரத்திற்குள் உரிய தொகையை செலுத்தி முடிக்கவும் ஜனாதிபதி அநுரகுமார திசாநாயக்க அதிகாரிகளுக்கு அறிவுறுத்தியுள்ளார்.

ஜனாதிபதி செயலகத்தில் நேற்று நடைபெற்ற தேசிய பேரிடர் மேலாண்மை கூட்டத்தில் பங்கேற்றபோது இவ்வாறு தெரிவித்துள்ளார்.

இந்த கூட்டத்தில், தேசிய பேரிடர் மேலாண்மை கூட்டு பொறிமுறையை உருவாக்குதல் மற்றும் 2005 ஆம் ஆண்டு 13 ஆம் இலக்க இலங்கை பேரிடர் மேலாண்மைச் சட்டத்தைத் திருத்துதல் தொடர்பான தொடர்புடைய ஆவணமும் சமர்ப்பிக்கப்பட்டது.

அபாய வலய15,000 வீடுகள் அடையாளம்

மேலும் மத்திய மலைநாட்டைப் பாதுகாப்பதற்கான அரசாங்கத்தின் திட்டத்தின் கீழ், அபாய வலயத்தில் 15,000 வீடுகள் அடையாளம் காணப்பட்டுள்ளதாகவும், அடுத்த ஆண்டு இறுதிக்குள் அந்த மக்களுக்காக 8,000 வீடுகள் கட்டி முடிக்கப்படும் என எதிர்பார்க்கப்படுவதாகவும் ஜனாதிபதி கூறியுள்ளார்.

25,000 கொடுப்பனவு தொடர்பில் ஜனாதிபதி அதிகாரிகளுக்கு விடுத்துள்ள பணிப்புரை | President Instructs Payment Of 25000 Allowance

தேசிய கட்டிட ஆராய்ச்சி நிறுவனம், சம்பந்தப்பட்ட பங்குதாரர்கள், தோட்ட உரிமையாளர்கள் மற்றும் உள்ளூராட்சி நிறுவனங்களுடன் ஒருங்கிணைந்து, தோட்டப் பகுதிகளில் மண்சரிவு அபாயத்தைக் குறைப்பதற்காக, வடிகால் அமைப்புகளை நிர்மாணித்தல் மற்றும் புதுப்பித்தல் உள்ளிட்ட நடவடிக்கைகளுக்கான சான்றிதழ் பொறிமுறையை நிறுவுதல் மற்றும் பரிந்துரைகள் குறித்து கவனம் செலுத்தப்பட்டுள்ளது.

அரசாங்கத்திற்கு ஏற்பட்டுள்ள இழப்பு

பேரிடர் காரணமாக 6,164 வீடுகள் முழுமையாக சேதமடைந்துள்ளதாகவும், 112,110 வீடுகள் பகுதியளவு சேதமடைந்துள்ளதாகவும் தெரியவந்துள்ளது.

2016 ஆம் ஆண்டு ஏற்பட்ட வெள்ளத்தால் ஏற்பட்ட சேதத்தை ஈடுசெய்ய மக்களுக்கு ரூ.7.51 பில்லியன் வழங்கப்பட்ட போதிலும், மறுகாப்பீட்டு மீட்பு ரூ.1.42 பில்லியன் என தெரியவந்துள்ளது.

அதன்படி, அரசாங்கத்திற்கு ரூ.5.79 பில்லியன் இழப்பு ஏற்பட்டுள்ளதாகவும் நிதி அமைச்சின் செயலாளர் தெரிவித்துள்ளார்.