ஊடக அடக்குமுறைக்கு பொலிஸார் முயற்சி! கலாநிதி ரங்க கலன்சூரிய குற்றச்சாட்டு

Sri Lanka Police Journalists In Sri Lanka

By Aanadhi Dec 26, 2025 10:04 AM GMT

Aanadhi

in சமூகம்

Report

இலங்கையில் ஊடக அடக்குமுறை கலாசாரமொன்றை ஏற்படுத்த பொலிஸார் முயற்சிப்பதாக இலங்கையின் ஊடகத்துறை ஜாம்பவான்களில் ஒருவரான கலாநிதி ரங்க கலன்சூரிய குற்றம்சாட்டியுள்ளார்.

தவறான மற்றும் ஆதாரபூர்வமற்ற செய்திகளை வெளியிடுவதாக தெரிவித்து இலங்கையின் மும்மொழி ஒளி மற்றும் ஒலிபரப்பு ஊடக வலையமைப்பொன்றுக்கு எதிராக இலங்கை தொலைத்தொடர்பு பரிவர்த்தனை ஆணைக்குழுவில் பொலிஸார் அண்மையில் முறைப்பாடு செய்திருந்தனர்.

ஊடக அடக்குமுறைக்கு பொலிஸார் முயற்சி! கலாநிதி ரங்க கலன்சூரிய குற்றச்சாட்டு | Police Attempt To Suppress The Media

தொலைத்தொடர்பு பரிவர்த்தனை ஆணைக்குழுவில் முறைப்பாடு

குறித்த செயற்பாடு ஊடக அடக்குமுறைக்கான முன்முயற்சிகளில் ஒன்றாகும் என்று தனது பேஸ்புக் பதிவொன்றின் மூலம் குற்றம் சாட்டியுள்ள கலாநிதி ரங்க கலன்சூரிய, ஊடக நிறுவனமொன்றின் செயற்பாடுகள் தொடர்பில் ஊடக அமைச்சில் தான் முறைப்பாடுகளை மேற்கொள்ள வேண்டும் என்றும் சுட்டிக்காட்டியுள்ளார்.

அதற்குப் பதிலாக நேரடியாக தொலைத்தொடர்பு பரிவர்த்தனை ஆணைக்குழுவில் பொலிஸார் முறைப்பாடு செய்திருப்பதானது அவர்களின் உள்நோக்கத்தை வெளிப்படுத்திக் காட்டுவதாகவும் அவர் குறிப்பிட்டுள்ளார்.