லங்காசிறி FM
பாதாள உலகத் தலைவர் மிடிகம ருவன் மனு தொடர்பில் நீதிமன்றம் பிறப்பித்துள்ள உத்தரவு
Dharu
in பாதுகாப்பு
பூசா உயர் பாதுகாப்பு சிறைச்சாலையின் உள்ளக ஆய்வுகள் போன்ற நடவடிக்கைகளில் இருந்து பொலிஸ் சிறப்பு அதிரடிப் படை அதிகாரிகளை நீக்க உத்தரவிடக் கோரி, பாதாள உலகத் தலைவரான மிடிகம ருவன் தாக்கல் செய்த மனு தள்ளுபடி செய்துள்ளது.
சக்திவாய்ந்த பாதாள உலகத் தலைவரான ஜே.ஏ. ருவன் குமார அல்லது மிடிகம ருவன் தனது சட்டத்தரணிகள் மூலம் தாக்கல் செய்த மனுவை மேன்முறையீட்டு நீதிமன்றம் இவ்வாறு தள்ளுபடி செய்துள்ளது.
சட்டமா அதிபர் சார்பில் முன்னிலையான மேலதிக சொலிசிட்டர் ஜெனரல் ஷானில் குலரத்ன, சம்பந்தப்பட்ட மனுவை ஏற்றுக்கொள்ள முடியாது என்று முன்வைத்த சமர்ப்பிப்புகளை பரிசீலித்த பின்னர், மேன்முறையீட்டு நீதிமன்றம் குறித்த உத்தரவை பிறப்பித்துள்ளது.
நீதிமன்ற அறிவிப்பு
தீர்ப்பை அறிவித்த மேன்முறையீட்டு நீதிமன்றத் தலைவர் நீதியரசர்களான ரோஹந்த அபேசூரிய மற்றும் பிரியந்த பெர்னாண்டோ ஆகியோர் அடங்கிய மேன்முறையீட்டு நீதிமன்ற அமர்வு, இந்த மனுவில் குறிப்பிடப்பட்டுள்ள மேன்முறையீட்டுக்கான அடிப்படைகளை நிறுவுவதற்கு மனுதாரர் போதுமான ஆதாரங்களை முன்வைக்கத் தவறிவிட்டதாகக் கூறியுள்ளது.
அதன்படி, அதை ஆய்வுக்கு எடுத்துக்கொள்ளாமல் தள்ளுபடி செய்வதாக அமர்வில் கூறப்பட்டுள்ளது.
பூசா சிறைச்சாலையில் கைதிகளை ஆய்வு செய்வது உட்பட உள் விவகாரங்களுக்காக பொலிஸ் சிறப்புப் படை அதிகாரிகளைப் பணியமர்த்துவது சிறைச்சாலைகள் சட்டத்தின் விதிகளுக்கு முரணானது என்று மனுதாரர் கூறியுள்ளார்.
அதன்படி, சம்பந்தப்பட்ட சிறைச்சாலையின் உள் விவகாரங்களுக்கு பொலிஸ் சிறப்பு அதிரடிப் படை அதிகாரிகள் ஈடுபடுத்தப்படுவதைத் தடுக்க உத்தரவிடக் கோரி மனுதாரர் இந்த மனுவைச் சமர்ப்பித்தமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
காணாமல் ஆக்கப்பட்டோர் தினமும் தாய்மாரின் கண்ணீரும்....! விடை தான் என்ன 10 நிமிடங்கள் முன்
கோண்டாவில் மேற்கு, Bad Vilbel, Germany, London, United Kingdom
02 Sep, 2025
கொழும்பு, கோண்டாவில், London, United Kingdom, சிட்னி, Australia
01 Sep, 2025
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
சரவணை மேற்கு, யாழ்ப்பாணம், ஜேர்மனி, Germany, Ivry-sur-Seine, France, Limeil-Brévannes, France
15 Sep, 2024
பளை, கச்சார்வெளி, புளியங்குளம், வவுனியா, Weston, Canada, Whitchurch, Canada
03 Sep, 2020
