இலங்கையில் புகையிரதங்களில் நிரம்பி வழியும் பயணிகள்

Sri Lanka Economic Crisis Sri Lanka

By Dhayani May 29, 2022 04:17 PM GMT

Dhayani

in சமூகம்

Report

கடந்த சில நாட்களாக புகையிரதங்களில் பயணிகள் நிரம்பி வழியத் தொடங்கியுள்ளதாக புகையிரத திணைக்கள பொதுமுகாமையாளர் (போக்குவரத்து) காமினி செனவிரத்ன தெரிவித்துள்ளார்.

தற்போதைய நிலையில் வழக்கத்தை விட நூற்றுக்கு ஐம்பது வீதம் எண்ணிக்கையான பயணிகள் புகையிரதங்களில் பயணிக்கத் தொடங்கியிருப்பதாகவும் அவர் தெரிவித்துள்ளார்.

அதன் காரணமாக இன்றைய தினம் சில புகையிரதங்களில் மேலதிக பெட்டிகளை இணைக்க நேர்ந்ததாகவும், நாளைய தினமும் இன்னும் சில புகையிரதங்களில் மேலதிக பெட்டிகளை இணைக்க நடவடிக்கை மேற்கொண்டுள்ளதாகவும் அவர் குறிப்பிட்டுள்ளார்.

இலங்கையில் புகையிரதங்களில் நிரம்பி வழியும் பயணிகள் | Overcrowded Passengers On Trains

தூரப்பிரதேச ரயில் நிலைய பயணச்சீட்டுக்கு தட்டுப்பாடு

தற்போதைய நிலையில் தூரப்பிரதேச ரயில் நிலையங்களில் பயணச்சீட்டுகள் முடிவடைந்து வருவதன் காரணமாக புகையிரத நிலையப் பொறுப்பதிகாரிகள் சிக்கல்களை எதிர்கொண்டுள்ளனர்.

இலங்கையில் புகையிரதங்களில் நிரம்பி வழியும் பயணிகள் | Overcrowded Passengers On Trains

மேலும் இன்றைய தினம் பெலியத்த புகையிரத நிலையத்தில் இருந்து புறப்பட்ட ரஜரட்ட ரெஜிண புகையிரதம் பெலியத்தையில் இருந்து புறப்படும் போதே பயணிகளால் நிரம்பி விட்டது.

அதன் காரணமாக மாத்தறை ரயில் நிலையத்தில் ஏராளம் பயணிகள் ரயிலில் ஏற முடியாத நிலை ஏற்பட்டுள்ளது என்றும் காமினி செனவிரத்ன தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை