உங்கள் கோபம் எனக்கு புரிகிறது..! படுதோல்விக்கு மன்னிப்பு கோரும் தசுன் சானக - கடும் மன வேதனை

மில்லியன் கணக்கான மக்கள் வெற்றியைக் கனவு காணும் நேரத்தில் தோல்வியைத் தாங்குவது ஒருபோதும் எளிதானது அல்ல என்று இலங்கை கிரிக்கெட் அணியின் தலைவர் தசுன் சானக தெரிவித்துள்ளார். 

ஐசிசி டி20 உலகக் கிண்ணத் தொடரின் சுப்பர் 8 சுற்றில் நேற்றையதினம் நியூஸிலாந்தை எதிர்த்து போட்டியிட்ட இலங்கை அணி ஏற்றுக்கொள்ள முடியாத படு தோல்வியை தழுவியது. 

இதனையடுத்து இலங்கை அணி ரசிகர்கள்,  மனமுடைந்ததோடு, வீரர்கள் தொடர்பில் வேதனையையும் விமர்சனங்களையும் வெளியிட்டுள்ளனர். 

இலங்கையின் முன்னாள் கிரிக்கெட் வீரர்களும் தங்களுடைய கவலையையும், விமர்சனத்தையும் வெளியிட்டுள்ளனர். 

இந்த நிலையில், குறித்த தோல்வி குறித்து இலங்கை கிரிக்கெட் அணியின் தலைவர் தன்னுடைய முகநூல் தளத்தில் தன்னுடைய மன வருத்தத்தினை வெளியிட்டுள்ளார். 

இலங்கை கிரிக்கெட்டின் தற்போதைய நிலை குறித்து எச்சரித்துள்ள சங்கக்கார

நம்பிக்கை இழக்க வேண்டாம்..

குறித்த பதிவில், 

“இந்த உலகக் கோப்பை போட்டி  நாங்கள் எதிர்பார்த்தபடி முடிவடையாதது உங்களைப் போலவே எனக்கும் மிகவும் வருத்தமாக உள்ளது.

போட்டிக்கு முன்பு இங்கிலாந்துக்கு எதிரான தொடரில் ஏற்பட்ட தோல்வி உட்பட பல சவால்களை நாங்கள் எதிர்கொண்ட போதிலும், போட்டியை நடத்தும் நாடாக தெளிவான திட்டத்துடனும், வலுவான நம்பிக்கையுடனும் நாங்கள் இந்தப் போட்டியில் நுழைந்தோம்.

போட்டிகளில் எங்களால் முன்னேற முடியும் என்று நான் உண்மையிலேயே நம்பினேன். என் மீதும் அணி மீதும் நீங்கள் உணரும் ஏமாற்றம், வலி ​​மற்றும் கோபத்தை நான் நன்கு அறிவேன்.

இலங்கை கிரிக்கெட்டினை  முன்னோக்கி எடுத்துச் செல்ல அர்ப்பணிப்புடன் செயல்படும் வீரர்கள் மீது நம்பிக்கையை இழக்க வேண்டாம் என்று நான் தாழ்மையுடன் கேட்டுக்கொள்கிறேன்.

மில்லியன் கணக்கான மக்கள் வெற்றியைக் கனவு காணும் நேரத்தில் தோல்வியைத் தாங்குவது ஒருபோதும் எளிதானது அல்ல. இந்த நேரத்தில் கூறப்படும் அனைத்து விமர்சனங்களையும் கருத்துகளையும் நான் பணிவுடன் ஏற்றுக்கொள்கிறேன்.

மேலும் இவை அனைத்தும் நமது நாட்டின் விளையாட்டு மீதான உங்கள் ஆழ்ந்த பாசத்திலிருந்து உருவாகின்றன என்பதை நான் அறிவேன்.

சூழ்நிலைகள் எதுவாக இருந்தாலும், நான் எப்போதும் நாட்டிற்காக என்னால் முடிந்ததைச் செய்வேன். நான் எப்போதும் ஒரு நோக்கத்திற்காக மட்டுமே விளையாடியுள்ளேன். அது இலங்கைக்காக.

நீங்கள் எதிர்பார்த்த வெற்றியை உங்களுக்கு வழங்க முடியாமல் போனதற்கு நான் வருத்தப்படுகிறேன். எங்களுடன், என் அணியுடன் எப்போதும் நின்றதற்காக இலங்கையர்களாகிய உங்கள் அனைவருக்கும் நன்றி” என பதிவிடப்பட்டுள்ளது.  

சுரேஷ் சாலே நடத்திய ரகசிய சந்திப்பு! தொலைபேசி மூலம் இணைந்த ரணில் - எழுந்துள்ள புதிய சர்ச்சை

உலக சந்தையில் தொடர்ந்தும் உச்சத்தில் தங்க விலை - இலங்கையில் நகை வாங்க காத்திருப்போருக்கான தகவல்