லங்காசிறி FM
கோவிட் ஜனாஸாக்களை அடக்கம் செய்ய புதிய இடம்! சுகாதார அமைச்சும் அனுமதி
கோவிட் -19 தொற்றினால் மரணிப்பவர்களின் ஜனாஸாக்களை அடக்கம் செய்வதற்கு கிண்ணியா வட்டமடு கிராமத்தில் 10 ஏக்கர் அரச காணி ஒதுக்கப்பட்டுள்ளது.
இக்காணியை கோவிட் -19 தொழில்நுட்ப குழு ஆய்வுகளை மேற்கொண்டு சிபாரிசு செய்ததையடுத்தே கோவிட் -19 செயலணியினாலும் சுகாதார அமைச்சினாலும் அனுமதி வழங்கப்பட்டுள்ளது.
நாளை 6 ஆம் திகதி வட்டமடு கிராம கோவிட் -19 விசேட மையவாடியில் ஜனாஸாக்கள் நல்லடக்கம் செய்யும் பணிகள் ஆரம்பிக்கப்படத் தீர்மானிக்கப்பட்டுள்ளதாகவும், இம்மையவாடியில் சுமார் 4000 ஜனாஸாக்கள் நல்லடக்கம் செய்யப்படுவதற்கான இடவசதியுள்ளதாகவும் கிண்ணியா பிரதேச சபைத் தவிசாளர் கே.எம்.நிஹார் தெரிவித்துள்ளார்.
அவர் தொடர்ந்தும் கருத்து தெரிவிக்கையில்,
தற்போது மையவாடிக்கான உட்கட்டமைப்பு வசதிகள் துரித கதியில் மேற்கொள்ளப்பட்டு வருகின்றன. மையவாடிக்குள் 14 பாதைகள் அமைக்கும் பணிகள் இடம்பெறுகின்றன.
மையவாடியைச் சூழ சுமார் 10 கிலோ மீற்றர் மதில் எழுப்பப்படவுள்ளது. மின்சார வசதிகள் மற்றும் ஜனாஸாக்களின் உறவினர்களுக்கான வசதிகள் மேற்கொள்ளப்படவுள்ளன. கிழக்கு மாகாண இராணுவ தளபதி உட்பட கோவிட் செயலணி அதிகாரிகள் இம்மையவாடியை பார்வையிடவுள்ளனர்.
ஓட்டமாவடி மஜ்மா நகர் கோவிட் -19 மையவாடியின் நிலப்பரப்பு ஜனாஸாக்களினால் பூரணமாகியுள்ள நிலையில் கிண்ணியா வட்டமடு கிராம மையவாடியை துரிதமாக ஏற்பாடு செய்யும்படி கோவிட் செயலணி வேண்டிக் கொண்டதற்கிணங்க அதன் பணிகள் விரைவுபடுத்தப்பட்டுள்ளன என தெரிவித்துள்ளார்.
இதேவேளை புத்தளம் மற்றும் அம்பாறை மாவட்டங்களிலும் கோவிட் -19 ஜனாஸாக்களை நல்லடக்கம் செய்வதற்கு காணிகள் இனங்காணப்பட்டுள்ளதாகவும் கோவிட் -19 செயலணியின் தொழில்நுட்ப குழு இது தொடர்பில் ஆய்வுகளை நடாத்தி வருவதாகவும் சுகாதார அமைச்சின் கோவிட் -19 ஒருங்கிணைப்பாளரும் தொழில்நுட்ப சேவைகள் இயக்குநருமான வைத்தியர் அன்வர் ஹம்தானி தெரிவித்துள்ளார்.
300 ஆண்டுகளுக்கு பின் உருவாகும் திரிகிரஹி யோகம்.. இனி பண மழை கொட்டுமாம்..அதிர்ஷ்டம் யாருக்கு? Manithan
கடைசி டெஸ்டில் ஏஞ்சலோ மேத்யூஸ்! நீ உன் தேசத்திற்கு உண்மையான சேவகன் - ரோஹித் ஷர்மா பிரியாவிடை News Lankasri
மகாநதி சீரியல் இயக்குனர் பிரவீன் பென்னட் இயக்கும் புதிய தொடர்... கமிட்டான சூப்பர் புதிய ஜோடி, யார் பாருங்க Cineulagam
வினோதினி சீரியலை தொடர்ந்து சன் டிவியில் வரப்போகும் புதிய தொடர்... நடிப்பவர்கள் யார் யார் பாருங்க Cineulagam
ஏழாலை, யாழ்ப்பாணம், கொழும்பு, மெல்போன், Australia, சிட்னி, Australia
16 Jun, 2024
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
