லங்காசிறி FM
இலங்கையை வந்தடையவுள்ள அமெரிக்க கடலோர பாதுகாப்பு கப்பல்
இலங்கை கடற்படை வரலாற்றில் மேலும் ஒரு முக்கிய அத்தியாயத்தை குறிக்கும் வகையில், டிசம்பர் 2025 இல் அமெரிக்க கடலோர காவல்படையால் இலங்கை கடற்படையிடம் முறையாக ஒப்படைக்கப்பட்ட கடல்சார் ரோந்து கப்பல் P 628, Decisive, பால்டிமோர் (Baltimore) அமெரிக்க கடலோர பாதுகாப்பு இறங்குதுறையிலிருந்து இலங்கை நோக்கி புறப்பட்டது.
இந்தக் கப்பல் மொத்தம் 14,775 கடல் மைல்கள் பயணம் செய்ய உள்ளது. இது இலங்கை கடற்படை கப்பல் மேற்கொள்ளும் மிக நீண்ட தனிப்பட்ட கடல் பயணமாகப் பதிவாகும். மேலும், Panama Canal வழியாகச் செல்லும் முதல் இலங்கை கப்பலாகவும் இது அமையும்.
பணாமா கால்வாயில் இலங்கையின் சாதனை
இந்த சாதனை, இலங்கை கடற்படையின் மேம்பட்ட கடல் திறன்களை மட்டுமல்லாது, இத்தகைய சிக்கலான கடல் நடவடிக்கைகளுக்கு ஆதரவளிக்கும் சர்வதேச ஒத்துழைப்பையும் வெளிப்படுத்துகிறது.
கப்டன் கயான் விக்ரமசூரியவின் தலைமையில், 14 அதிகாரிகள் மற்றும் 72 கடற்படையினரை உள்ளடக்கிய மொத்தம் 86 நன்கு பயிற்சி பெற்ற இலங்கை கடற்படை பணியாளர்கள் இந்தக் கப்பலில் பயணம் செய்கிறார்கள்.
அவர்களின் பயணத் திட்டத்தில், பாதுகாப்பான பயணத்தை உறுதி செய்வதோடு மட்டுமல்லாது, பாதை முழுவதும் தூதரக உறவுகளை வலுப்படுத்தும் வகையில் முக்கியமான துறைமுக இடைநிறுத்தங்களும் அடங்கியுள்ளன.
இலங்கையை அடையும் நாளான, 2026 மே 08 ஆம் திகதி இறுதி கப்பல் நிறுத்தும் இடமாக திருகோணமலை துறைமுகத்தை அடைய உள்ளது. அதுவரை, இந்த கப்பல் 77 நாட்கள் கடல் பயணத்தை நிறைவு செய்யவுள்ளது.
இது இலங்கை கடற்படையால் பெற்றுக்கொள்ளப்படும் நான்காவது அமெரிக்க கடலோர பாதுகாப்பு கப்பல் ஆகும். இதன் மூலம் இலங்கை கடற்படையின் கடல் திறன் மேலும் வலுப்பெறும்.
இனப்படுகொலையின் அச்சாணியாக வடிவமைக்கப்பட்ட சிங்கள பௌத்த தலைமைகள்.. 23 மணி நேரம் முன்
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
புங்குடுதீவு 8ம் வட்டாரம், Büren an der Aare, Switzerland
29 Aug, 2026
யாழ்ப்பாணம், வவுனியா, கனடா, Canada, Montreal, Canada
31 Aug, 2015
