லங்காசிறி FM
முஸ்லிம் விவாக, விவாகத்து சட்ட விவகாரம் - எதிர்க்கட்சி முஸ்லிம் எம்.பிகள் சந்திப்பு
தற்போது சர்ச்சைக்குரியதாக கருதப்படுகின்ற முஸ்லிம் விவாக - விவாகரத்து சட்டத்தைத் தக்க வைத்துக் கொண்டு, அதில் அவசியமான திருத்தங்களை மட்டும் மேற்கொள்ள வழிகோலும் விதத்திலான நடவடிக்கைகள் பற்றி எதிர்க்கட்சியில் அங்கம் வகிக்கும் முஸ்லிம் நாடாளுமன்ற உறுப்பினர்கள் சிலர் ஒன்று கூடி கருத்துக்களைப் பரிமாறிக் கொண்டுள்ளனர்.
நாடாளுமன்றத்தில் எதிர்க்கட்சித் தலைவரின் அலுவலகத்தில் நேற்று எதிர்க்கட்சி முஸ்லிம் உறுப்பினர்கள் கலந்து கொண்ட கூட்டத்தில், இது தொடர்பில் சில முக்கியமான விடயங்கள் கலந்துரையாடப்பட்டுள்ளதாக தெரியவருகிறது.
அதனடிப்படையில் முஸ்லிம் நாடாளுமன்ற உறுப்பினர்கள் முதல் கட்டமாக இந்த விஷயத்தில், குறிப்பாக முஸ்லிம் விவாக - விவாகரத்து சட்டம் தொடர்பில் எழுந்துள்ள இந்த பிரச்சினையில் முஸ்லிம்கள் மத்தியில் ஏற்பட்டுள்ள கருத்து வேறுபாடுகளைக் களைந்து, பொதுவானதொரு கருத்தொருமைப்பாட்டுக்கு வருவதற்கான முயற்சிகளில் கூடுதல் கவனம் செலுத்துவதாகத் தீர்மானிக்கப்பட்டுள்ளதாக தகவல்கள் தெரிவிக்கின்றன.
ஸ்ரீலங்கா முஸ்லிம் காங்கிரஸ் தலைவரும் நாடாளுமன்ற உறுப்பினருமான ரவூப் ஹக்கீம் தலைமையில், இதன் ஏற்பாட்டாளரான நாடாளுமன்ற உறுப்பினர் முஜிபுர் ரஹ்மானின் நெறிப்படுத்தலில் இந்த எதிர்க்கட்சி நாடாளுமன்ற உறுப்பினர்கள் செயற்படவுள்ளனர்.
இவர்கள் விரைவில் ஏனைய முஸ்லிம் நாடாளுமன்ற உறுப்பினர்களையும், முஸ்லிம் அமைப்புகளின் பிரதிநிதிகளையும் இந்த துறையில் ஆர்வம் உள்ள சிரேஷ்ட முஸ்லிம் சட்டத்தரணிகளையும், புத்திஜீவிகளையும், பெண்கள் உரிமைகள் தொடர்பிலான செயற்பாட்டாளர்களையும் சந்தித்து, அடுத்த கட்டமாக மேற்கொள்ளப்பட வேண்டிய நடவடிக்கைகள் பற்றிக் கலந்துரையாடவுள்ளனர்.
விவாக - விவாகரத்துச் சட்டத்தில் வேறுபட்ட கருத்துக்களைக் கொண்டவர்கள் மத்தியில் இஸ்லாத்தின் அடிப்படை நெறிமுறைகளுக்கு மாற்றமில்லாத விதத்தில், சில திருத்தங்களை மட்டும் மேற்கொள்வதற்கு உரிய சாத்தியக்கூறுகள் பற்றிக் கலந்துரையாடப்படும் எனத் தெரிவிக்கப்பட்டது.
அதனடிப்படையில் நீதி அமைச்சர் அலி சப்ரியைச் சந்தித்து அவருடன் சுமூகமாகக் கலந்துரையாடவுள்ளனர்.
அத்துடன், இலங்கையில் உள்ள இஸ்லாமிய நாடுகளின் தூதுவர்களையும், உயர்ஸ்தானிகர்களையும் சந்தித்து இது பற்றித் தெளிவுபடுத்துவதாகவும் குறிப்பிடப்பட்டது.
ஸ்ருதியிடம் கேள்வி கேட்கப்போய் நன்றாக வாங்கி கட்டிக்கொண்ட ரோஹினி, இது தேவையா?.. சிறகடிக்க ஆசை சீரியல் Cineulagam
மிக நெருக்கடியான சூழலில் முதல் தொலைபேசி அழைப்பு... புடின் - மேக்ரான் விவாதித்த விடயங்கள் News Lankasri
அமெரிக்காவில் பிறந்தவர்களை நாடுகடத்துவதுதான் அடுத்த வேலை: அமெரிக்க ஜனாதிபதி ட்ரம்ப் சூசகம் News Lankasri
புளியங்கூடல், கல்விளான், விசுவமடு, கொக்குவில், Paris, France, Basel, Switzerland
27 Jun, 2025
