நீதித்துறையின் சுயாதீனத்தன்மைக்கு ஏற்பட்ட பாரிய நெருக்கடி! மனம் திறக்கும் முன்னாள் பிரதம நீதியரசர்

Srilanka Colombo Chandrika Bandaranaike

By Dhayani Jan 16, 2022 12:07 AM GMT

Dhayani

in அரசியல்

Report

பாதுகாக்கப்பட்ட நீதித்துறையின் சுயாதீனத்தன்மைக்கு 2013 ஆம் ஆண்டு காலப்பகுதியில் பாரிய தாக்குதல் ஏற்படுத்தப்பட்டது என முன்னாள் பிரதம நீதியரசர் கலாநிதி சிராணி பண்டாரநாயக்க தெரிவித்துள்ளார்.

முன்னாள் ஜனாதிபதி சந்திரிக்கா பண்டாநாயக்கவின் ஜனாதிபதி பதவி காலத்தை உள்ளடக்கிய நூல் வெளியீட்டு விழாவில் கலந்துக் கொண்டு உரையாற்றுகையில் மேற்கண்டவாறு தெரிவித்துள்ளார். அவர் மேலும் குறிப்பிடுகையில்,

நாட்டில் நான் மதிக்க கூடிய மிகவும் சொற்பளவிலான நபர்களில் முக்கியமானவராக முன்னாள் ஜனாதிபதி சந்திரிக்கா பண்டாரநாயக்க குமாரதுங்க சிறப்பிடம் பெறுகின்றார்.

1993 ஆம் ஆண்டு தொடக்கம் 2005ஆம் ஆண்டு வரையான காலப்பகுதியில் உயர்நீதிமன்ற நீதியரசராக சுயாதீனமாக செயற்பட்டேன். ஜனாதிபதி பதவியில் இருந்துகொண்டு அவர் நீதித்துறைக்கு உயர்மட்ட நிலையினை வழங்கினார்.

நீதிமன்ற சுயாதீனத்தை பாதுகாக்க அவர் வழங்கிய ஒத்துழைப்பு அதனூடாக உறுதிப்படுத்தப்பட்டது. பாதுகாக்கப்பட்ட நீதித்துறையின் சுயாதீனத்தன்மைக்கு 2013 ஆம் ஆண்டு காலப்பகுதியில் பாரிய தாக்குதல் ஏற்படுத்தப்பட்டது.

நாட்டின் எதிர்காலத்தை கருத்திற்கொண்டு பல்வேறு செயற்திட்டங்கள் அக்காலகட்டத்தில் முன்னெடுக்கப்பட்டன. நாட்டின் சட்டம், கல்வி,பொருளாதார அபிவிருத்திக் கொள்கைள் அனைத்தும் காலப்போக்கில் மாற்றியமைக்கப்பட்டன என்றும் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை