லங்காசிறி FM
பிரித்தானிய விஜய விசா நடைமுறையில் பாரிய மாற்றம்!
Amal
in ஐக்கிய இராச்சியம்
2026 பெப்ரவரி 25 முதல் அல்லது அதற்குப் பின்னர் விண்ணப்பிக்கப்படும் பிரித்தானிய விஜய விசாக்களுக்கு இனி கடவுச்சீட்டில் விசா ஸ்டிக்கர் (Vignette) ஒட்டப்படமாட்டாது.
அதற்குப் பதிலாக, முழுமையாக டிஜிட்டல் மயமாக்கப்பட்ட 'eVisa' முறைமை அறிமுகப்படுத்தப்பட்டுள்ளது. உங்கள் விசா அங்கீகரிக்கப்பட்டதும், கடவுச்சீட்டில் ஸ்டிக்கர் ஒட்டப்படமாட்டாது.
உங்கள் விசா விபரங்கள் இணையவழியில் (UKVI account) டிஜிட்டல் முறையில் சேமிக்கப்படும். முன்னதாக விசா ஸ்டிக்கர் ஒட்டுவதற்காக விசா மையத்தில் (VAC) கடவுச்சீட்டை ஒப்படைக்க வேண்டும்.
டிஜிட்டல் முறைமை
இனி அந்தத் தேவை இல்லை. நீங்கள் உங்கள் கடவுச்சீட்டை உங்களுடனேயே வைத்திருக்கலாம். BRP அட்டைகள் மற்றும் காகித முத்திரைகள் படிப்படியாக நீக்கப்பட்டு, அவுஸ்திரேலியாவைப் போன்ற டிஜிட்டல் முறைமை பின்பற்றப்படுகிறது.
பயணத்தை ஆரம்பிக்கும் முன் பிரித்தானிய அரசின் அதிகாரப்பூர்வ இணையதளத்தில் உங்கள் கடவுச்சீட்டு மற்றும் மின்னஞ்சலைப் பயன்படுத்தி இலவசமாகக் கணக்கை உருவாக்கவும். பின்னர் உங்கள் விசா அங்கீகரிக்கப்பட்டதும், அதனை உங்கள் கணக்கின் மூலம் சரிபார்க்கவும்.
உங்கள் eVisa-வில் உள்ள கடவுச்சீட்டு விபரங்களும், நீங்கள் பயணிக்கப் பயன்படுத்தும் கடவுச்சீட்டும் ஒன்றாக இருப்பதை உறுதி செய்யவும்.
பயணத்திற்கு குறைந்தது 24 மணிநேரத்திற்கு முன்னதாக உங்கள் UKVI கணக்கில் உள்நுழைந்து விபரங்களைச் சரிபார்க்கவும்.
விசா தகுதி
நீங்கள் புதிய கடவுச்சீட்டை பெற்றால், உடனடியாக உங்கள் UKVI கணக்கில் விபரங்களைப் புதுப்பிக்க வேண்டும். இல்லையெனில் விமானத்தில் ஏற அனுமதி மறுக்கப்படலாம்.
வேலைவாய்ப்பு அல்லது வாடகை ஒப்பந்தங்களுக்கு உங்கள் விசா தகுதியை நிரூபிக்க, உங்கள் கணக்கின் மூலம் 'Share Code' ஒன்றை உருவாக்கிப் பயன்படுத்தலாம்.
உங்களிடம் ஏற்கனவே பழைய விசா ஸ்டிக்கர் இருந்தால், அதன் காலம் முடியும் வரை செல்லுபடியாகும். இருப்பினும், எதிர்கால வசதிக்காக இப்போதே UKVI கணக்கை உருவாக்கி உங்கள் eVisa-வைச் சரிபார்த்துக் கொள்ளுமாறு அறிவுறுத்தப்படுகிறீர்கள்.
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
