லங்காசிறி FM
பிரித்தானியாவின் வெளியுறவுத்துறை செயலாளராக எலிசபெத் ட்ரஸ் நியமிப்பு!
Murali
in ஐக்கிய இராச்சியம்
பிரித்தானியாவின் வெளியுறவுத்துறை, காமன்வெல்த், மேம்பாட்டு விவகாரங்களுக்கான செயலாளராக எலிசபெத் ட்ரஸ் நியமிக்கப்பட்டுள்ளார். அந்நாட்டு ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது.
பிரித்தானியாவின் வெளியுறவுத்துறை செயலாளராக இருந்த டொமினிக் ராப் அந்த பதவியில் இருந்து நீக்கப்பட்டு, எலிசபெத் ட்ரஸ் அப்பதவிக்கு நியமிக்கப்பட்டுள்ளார்.
தாலிபான்கள் ஆப்கானிஸ்தானை முழுமையாக தங்கள் கட்டுப்பாட்டுக்குள் கொண்டுவந்த போது, அப்போது பிரித்தானியாவின் வெளியுறவுத்துறை செயலாளராக இருந்த டொமினிக் ராப் விடுமுறையில் சென்றிருந்தார்.
அத்துடன், ஆப்கானிஸ்தானில் இருந்து சமீபத்தில் வெளிநாட்டுப் படைகளை வாபஸ் பெறுவதை கையாண்டதற்காக ராப் கடந்த காலத்தில் கடுமையாக விமர்சிக்கப்பட்டார். இந்நிலையிலேயே, அவர் பதவி நீக்கப்பட்டுள்ளதாக பிரித்தானிய செய்திகள் தெரிவிக்கின்றன.
இந்நிலையிலேயே, வெளியுறவுத்துறை செயலாளராக எலிசபெத் ட்ரஸ் நியமிக்கப்பட்டுள்ளார். 40 வயதான ட்ரஸ் இதற்கு முன் சர்வதேச வர்த்தக செயலாளராக இருந்தவர் என்பது குறிப்பிடத்தக்கது.
இதனிடையே, டொமினிக் ராப் தற்போது, நிதித்துறை செயலாளராக நியமிக்கப்பட்டுள்ளதாகவும், அவர் தொடர்ந்து துணைப் பிரதமர் பதவியையும் வகிக்கிறார் எனவும் கூறப்பட்டுள்ளது.
தேநீர் கடை மீது வான்வழி தாக்குதல் - கால்பந்து போட்டியை பார்த்துக்கொண்டிருந்த 18 பேர் உயிரிழப்பு News Lankasri
3 லட்சம் பேர் உயிரிழக்க நேரிடும் - முதல் முறையாக மெகா நிலநடுக்க எச்சரிக்கை விடுத்த ஜப்பான் News Lankasri
காயத்ரி பிரச்சனை முடிந்ததும் சோழனை தனியாக அழைத்துச்சென்று நிலா சொன்ன விஷயம்... அய்யனார் துணை சீரியல் அடுத்த கதைக்களம் Cineulagam
தாயின் இறுதிச்சடங்கில் பங்கேற்க முடியாத சூழல் - 160 கிலோ எடையை 75 கிலோவாக குறைத்த மகன் News Lankasri
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
