பிரித்தானிய அரசாங்கத்தின் புதிய அமைச்சரவை விபரம் வெளியானது

United Kingdom Liz Truss Rishi Sunak

By Murali Sep 06, 2022 09:54 PM GMT

Murali

in ஐக்கிய இராச்சியம்

Report

பிரித்தானியாவின் புதிய பிரதமரான தெரிவு செய்யப்பட்டுள்ள லிஸ் டிரஸ் நேரத்தை வீணடிக்காது தனது அமைச்சரவையை நியமிப்பதில் கவனம் செலுத்தியுள்ளார்.

இதன்படி, லிஸ் டிரஸின் ஆதரவாளர்களை கொண்டு புதிய அமைச்சரவை உருவாக்கப்பட்டுள்ளதாக தகவல்கள் வெளியாகியுள்ளன. பிரதமராக பதிவியேற்றுக்கொண்ட லிஸ் டிரஸ் இன்று மாலை தனது அமைச்சரவையை அறிவிக்கத் தொடங்கினார்.

இதன்படி சுகாதாரச் செயலாளராகவும் துணைப் பிரதமராகவும் தெரேஸ் காஃபி நியமிக்கப்பட்டுள்ளார். குவாசி குவார்டெங் புதிய நிதி அமைச்சராக அறிவிக்கப்பட்டுள்ளார். ஜேம்ஸ் வெளியுறவு செயலாளராக நியமிக்கப்பட்டுள்ளார்.

பிரித்தானிய அரசாங்கத்தின் புதிய அமைச்சரவை விபரம் வெளியானது | Liz Truss Is Appointing Her New Cabinet

பாதுகாப்பு செயலாளர் பதவியில் நீடித்த பென் வாலஸ்

சுயெல்லா பிராவர்மேன், உள்துறைச் செயலாளராகப் பொறுப்பேற்றார். உள்துறை அமைச்சராக பதவி வகித்த ப்ரீத்தி படேல் நேற்று தனது பதவி விலகல் கடிதத்தை கையளித்திருந்தார்.

பாதுகாப்பு செயலாளராக பென் வாலஸ் அதே பதவியில் நீடித்துள்ளார். பிராண்டன் லூயிஸ் நீதித்துறை செயலாளராக நியமிக்கப்பட்டுள்ளார். முன்னதாக அவர் வடக்கு அயர்லாந்து செயலாளராக இருந்தார்.

இதேவேளை, நாதிம் ஜஹாவி Duchy of Lancaster அதிபராகவும், அரசுகளுக்கிடையேயான உறவுகளுக்கான அமைச்சராகவும், சமத்துவ அமைச்சராகவும் நியமிக்கப்பட்டுள்ளார். ரிஷி சுனக் பதவி விலகியதை தொடர்ந்து அவர் நிதி அமைச்சராக கடமையாற்றியிருந்தார் என்பதும் குறிப்பிடத்தக்கது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை