லங்காசிறி FM
அநுர அரசியல் ராஜபக்சர்களுக்கு எதிராக அரங்கேற்றப்படும் சதி
ஸ்ரீலங்கா பொதுஜன பெரமுன கட்சி உறுப்பினர்கள் குற்றப் புலனாய்வு பிரிவில் இன்று முறைப்பாடு ஒன்றை சமர்ப்பித்துள்ளனர்.
நாடாளுமன்ற உறுப்பினர் நாமல் ராஜபக்ஷ உட்பட, பெரமுன கட்சித் தலைமையை இழிவுபடுத்தும் நோக்கில் திட்டமிட்ட முறையில் பொய்யான பிரச்சாரம் மேற்கொள்ளப்படுவதாக முறைப்பாட்டில் தெரிவிக்கப்பட்டுள்ளது.
முன்னாள் ஜனாதிபதி மகிந்த ராஜபக்ச மற்றும் பிற மூத்த உறுப்பினர்களை குறிவைத்து சமூக ஊடகங்கள் மூலம் தொடர்ச்சியான அவதூறுப் பிரச்சாரம் நடத்தப்படுவதாக ஸ்ரீலங்கா பொதுஜன பெரமுன கட்சியின் தேசியப் பட்டியல் நாடாளுமன்ற உறுப்பினர் பசன் கஸ்தூரி பெர்னாண்டோ தெரிவித்துள்ளார்.
தவறான தகவல் பிரச்சாரம்
போதைப்பொருள் நடவடிக்கைகளுடன் தொடர்புடையவர்கள் கைது செய்யப்பட்ட நடவடிக்கைகளை இந்தத் தவறான தகவல் பிரச்சாரம் தீவிரப்படுத்தியுள்ளதாக அவர் குறிப்பிட்டுள்ளார்.
சில குழுக்கள், கைது செய்யப்பட்ட சந்தேக நபர்களை ஸ்ரீலங்கா பொதுஜன பெரமுன கட்சியுடன் பொய்யாக தொடர்புபடுத்தி, விசாரணைகளை அரசியல்மயமாக்க முயற்சிப்பதாக பெர்னாண்டோ குறிப்பிட்டுள்ளார்.
கணேமுல்ல சஞ்சீவ கொலை வழக்கில் சந்தேக நபரான இஷாரா செவ்வந்தி சமீபத்தில் கைது செய்யப்பட்டார்.
போலி கணக்குகள்
இந்த சம்பவத்தை குறிப்பிட்டு, சந்தேக நபரின் படத்தைப் பயன்படுத்தி ஸ்ரீலங்கா பொதுஜன பெரமுன கட்சி குற்றச் செயல்களுக்காக உருவாக்கப்பட்ட ஒரு கட்சியாக சித்தரிக்க முயற்சி நடப்பதாக அவர் தெரிவித்துள்ளார்.
போலி கணக்குகள் மற்றும் பணம் செலுத்திய ஒன்லைன் பிரச்சாரங்கள் மூலம் ஒழுங்கமைக்கப்பட்ட குழுக்கள் தவறான தகவல்களைப் பரப்புகின்றனர்.
இது குறித்து குற்றப்புலனாய்வு பிரிவு பாரபட்சமற்ற விசாரணை நடத்த வேண்டும் என அவர் வலியுறுத்தியுள்ளார்.
தம்மை தகவமைக்க தவறும் தமிழினம் 1 நாள் முன்
சில்லாலை, யாழ்ப்பாணம், Wassenberg, Germany, Markham, Canada
16 Oct, 2025
தெல்லிப்பழை, பேராதனை, கொழும்பு, Fredericton, Canada, Toronto, Canada
08 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
