லங்காசிறி FM
ஐ.நா மனித உரிமைகள் பேரவையிலிருந்து இலங்கை விலகியமை ஆழ்ந்த கவலையளிக்கிறது! பிரித்தானிய எதிர்கட்சி
Independent Writer
in ஐக்கிய இராச்சியம்
பொறுப்புக்கூறல், நீதி மற்றும் நல்லிணக்கம் தொடர்பான 2015 ஐ.நா மனித உரிமைகள் பேரவையின் தீர்மானத்திலிருந்து இலங்கை அரசு விலகியுள்ளது என்பதில் நானும் ஆழ்ந்த கவலை கொண்டுள்ளேன்.
பிரித்தானிய எதிர்க்கட்சி தலைவர் கெய்ர் ஸ்டார்மர் இதனை தெரிவித்துள்ளார். தைப்பொங்கலை முன்னிட்டு வெளியிட்டுள்ள அறிக்கையில் அவர் இதனை தெரிவித்துள்ளார்.
அவர் தனது அறிக்கையில் மேலும் தெரிவித்துள்ளதாவது,
இன்று பிரித்தானியாவிலும்,உலகெங்கிலும் உள்ள தமிழர்கள் தைப்பொங்கலைக் கொண்டாடுகிறார்கள்.எங்கள் குடும்பங்களுக்கும், நண்பர்கள் மற்றும் அயலவர்கள் நன்றி சொல்ல வேண்டிய நேரம் இது.
தொழிற்கட்சியில் உள்ள அனைவரின் சார்பாக பிரித்தானியாவிலும், உலகெங்கிலும் உள்ள தமிழர்களை மிகவும் மகிழ்ச்சியான மற்றும் அமைதியான தைப்பொங்கலை கொண்டாட வாழ்த்துகிறேன்.
தொற்றுநோய்களின் போது தமிழ் சமூகம் செய்த பெரும் பங்களிப்புக்கு எனது நன்றியைத் தெரிவித்துக்கொள்ள விரும்புகிறேன்.
இலங்கையில் அமைதி மற்றும் நீதிக்கான தொடர்ச்சியான போராட்டத்தை நாம் சிந்திக்க வேண்டிய தருணம் இது. அங்குள்ள தற்போதைய நிலைமை உங்களில் பலருக்கு மிகுந்த கவலை அளிக்கிறது என்பதை நான் அறிவேன்.
பொறுப்புக்கூறல், நீதி மற்றும் நல்லிணக்கம் தொடர்பான 2015 ஐ.நா மனித உரிமைகள் பேரவையின் தீர்மானத்திலிருந்து இலங்கை அரசு விலகியுள்ளது என்பதில் நானும் ஆழ்ந்த கவலை கொண்டுள்ளேன்.
தொழிற்கட்சி நீதியையும், மனித உரிமைகளையும் கோருவதற்காக தமிழ் சமூகத்துடன் தொடர்ந்து செயல்படும். துரதிர்ஷ்டவசமாக கட்டுப்பாடுகள் காரணமாக பொங்கல் விழா இந்த ஆண்டு ஒரே மாதிரியாக இருக்காது.
ஆனால் பெரும் சவாலான இந்த காலங்களில்,உங்கள் தீர்மானம் நீடிக்கும் என்று எனக்குத் தெரியும்.
உங்கள் அனைவருக்கும் மகிழ்ச்சியான, பாதுகாப்பான மற்றும் அமைதியான தைப்பொங்கல் வாழ்த்தை தெரிவித்துக்கொள்கின்றேன்.
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
