மகாராணியாருக்கு நெல்சன் மண்டேலா வைத்த புனைப்பெயரை வெளியிட்ட மன்னர் சார்லஸ்

"காமன்வெல்த் நாடுகளைப் போலவே தென்னாப்பிரிக்காவும் எப்போதும் என் வாழ்வின் ஒரு அங்கமாகவே இருந்து வருகிறது" என்று தென்னாப்பிரிக்காவின் அதிபரை கௌரவிக்கும் வகையில் தனது முதல் அரச விருந்து உரையில் மன்னர் சார்லஸ் தெரிவித்துள்ளார். 

மூன்றாம் சார்லஸ் மன்னர் தனது தாயின் ஆட்சி தொடர்பில் இதன்போது உரையாற்றியுள்ளார். 

அரச விருந்து

பக்கிங்ஹாம் அரண்மனையில் நேற்று நடந்த அரச விருந்தின் போது 75 ஆண்டுகளுக்கு முன்பு தென்னாப்பிரிக்காவில் ராணி எலிசபெத் ஆற்றிய தீர்க்கதரிசன உரையைப் பற்றி 74 வயதான மன்னர் பேசியிருந்தார். 

சார்லஸின் ஆட்சியின் முதல் அரசுமுறைப் பயணமாக  பிரித்தானியாவில் மூன்று நாட்கள் தங்கியிருக்கும் தென்னாப்பிரிக்காவின் ஜனாதிபதி சிரில் ராமபோசாவின் நினைவாக இராஜதந்திர விருந்து நடைபெற்றது.

இந்நிகழ்வில் மன்னர் உரையாற்றுகையில், 

 "காமன்வெல்த் நாடுகளைப் போலவே தென்னாப்பிரிக்காவும் எப்போதும் என் வாழ்வின் ஒரு அங்கமாக இருந்து வருகிறது. நான் பிறப்பதற்கு முந்தைய ஆண்டு 1947 இல், கேப் டவுனில் இருந்து தனது 21வது பிறந்தநாளில், தனது வாழ்க்கையை சேவைக்கு அர்ப்பணித்தபோது, ​​எனது தாய் அடிக்கடி தனது வருகையை நினைவு கூர்ந்தார்.

மகாராணியாருக்கு நெல்சன் மண்டேலா வைத்த புனைப்பெயர்

"1997 ஆம் ஆண்டு, தென்னாப்பிரிக்காவிற்கு எனது சொந்த விஜயத்தின் போது, ​​ஜனாதிபதி மண்டேலா என் அம்மாவுக்கு ஒரு சிறப்புப் பெயரைச் சூட்டினார் என்று என்னிடம் கூறினார்.

மோட்லலேபுலா, அதாவது 'மழையுடன் வருதல்' ஜனாதிபதி மண்டேலா ராணியின் மீது கொண்டிருந்த குறிப்பிட்ட பாசத்தின் அடையாளமாக இது இருந்தது என்று நான் உறுதியளிக்கின்றேன். மாறாக, நமது வானிலையை எங்களுடன் எடுத்துச் செல்லும் பிரித்தானியர்களின் பழக்கத்தைப் பற்றிய கருத்து அல்ல” எனவும் மன்னர் இதன்போது தெரிவித்துள்ளார். 

"ஜனாதிபதி மண்டேலா உங்களுக்கு நண்பராகவும் வழிகாட்டியாகவும் இருந்ததை நான் அறிவேன், ஜனாதிபதி, உங்கள் சொந்த துணிச்சலான மற்றும் திறமையான பேச்சுவார்த்தைகள் நவீன தென்னாப்பிரிக்காவின் அடித்தளத்தை அமைக்க உதவியது," என்று அவர் தெரிவித்துள்ளார்.

"உங்கள் ஜனநாயகத்தை கட்டியெழுப்பிய சிறந்த மனிதர்கள் மற்றும் பெண்களின் பாரம்பரியத்தைத் தொடர தென்னாப்பிரிக்காவில் உள்ள மக்களின் உறுதிப்பாடு உண்மையிலேயே ஊக்கமளிக்கிறது," என்று சார்லஸ் கூறியுள்ளார். 

பிரித்தானியாவிற்கு விஜயம் செய்துள்ள ஜனாதிபதி 24ஆம் திகதி மீண்டும் நாடு திரும்புவார் என தெரிவிக்கப்படுகின்றது.