கபில சந்திரசேனவின் ஐபோன் சாட்சிகள் அழியும் அபாயம்! யாரைக் காப்பாற்ற நடக்கும் சதி

iPhone SriLankan Airlines Law and Order Kapila Chandrasena

By Laksi Oct 14, 2026 02:20 PM GMT

Laksi

in சமூகம்

Report

ஸ்ரீலங்கன் விமான சேவையின் முன்னாள் பிரதம நிறைவேற்று அதிகாரி கபில சந்திரசேன பயன்படுத்திய ஐபோன் தொலைபேசியிலுள்ள தரவுகளைப் பெற்றுக்கொள்வதில் ஏற்பட்டுள்ள தாமதம் குறித்து கொழும்பு கோட்டை நீதவான் பசன் அமரசேன கடும் அதிருப்தியை வெளியிட்டுள்ளார்.

முக்கியமான டிஜிட்டல் சாட்சியங்கள் அழிந்துவிடும் அபாயம் காணப்படுவதால், பொலிஸ்மா அதிபருக்கு உடனடியாக அறிவிக்குமாறும் நீதிமன்றப் பதிவாளருக்கு உத்தரவிட்டுள்ளார்.

அப்பிள் நிறுவனத்திடமிருந்து தொலைபேசித் தரவுகளைப் பெறுவதற்கான நடவடிக்கைகள், 90 நாட்கள் தரவுகளைப் பாதுகாக்கும் காலக்கெடு, சட்டமா அதிபர் மற்றும் பொலிஸ்மா அதிபரின் தலையீடு எனப் பல முக்கிய விடயங்கள் நீதிமன்றத்தில் பேசப்பட்டுள்ளன.

இதற்கிடையில், கபில சந்திரசேனவின் பிரேதப் பரிசோதனை அறிக்கையும், உயிரிழந்த இடத்தில் கண்டெடுக்கப்பட்ட மருந்துகள் தொடர்பான அரச இரசாயனப் பகுப்பாய்வாளர் அறிக்கைகளும் இதுவரை சமர்ப்பிக்கப்படவில்லை எனத் தெரிவிக்கப்பட்டுள்ளது.

ஏர்பஸ் விமானக் கொள்வனவு ஒப்பந்தம் தொடர்பான சர்ச்சைகளின் பின்னணியில் இடம்பெற்ற இந்த மர்ம மரணம் தொடர்பான விசாரணையில், முக்கியமான சாட்சியங்கள் பாதுகாக்கப்படுமா, பொலிஸாரின் அடுத்தகட்ட நடவடிக்கை என்ன என்பது குறித்த வழக்கு எதிர்வரும் நவம்பர் 04ஆம் திகதி மீண்டும் விசாரணைக்கு எடுத்துக்கொள்ளப்படவுள்ளது.