வல்வெட்டித்துறையில் இடம்பெற்ற பிரமாண்டமான பட்டத்திருவிழா
யாழ் - வல்வெட்டித்துறையில் தைப்பொங்கல் தினத்தினை முன்னிட்டு ஆண்டுதோறும் இடம்பெறும் பட்டத்திருவிழா, இவ்வாண்டும் வெகு விமரிசையாக வல்வெட்டித்துறை உதயசூரியன் கடற்கரையில் நடைபெற்றுள்ளது.
இன்று (15.01.2023) இடம்பெற்ற இப்பட்டப்போட்டியில் பல வண்ணமய வினோதமான வடிவிலான பட்டங்கள் பறக்கவிடப்பட்டிருந்தன.
இந்நிகழ்ச்சியைக் காண்பதற்கு குடாநாட்டின் பல பகுதியிலிருந்தும் ஆயிரக்கணக்கான மக்கள் கலந்து கொண்டிருந்தார்கள்.
உரிமையாளர்களுக்கு பரிசில் வழங்கப்பட்டது
இப்போட்டியில் முதலாம் இடத்தை உருமாறும் மர்ம தாக்குதல் விமானத்தை போன்று பட்டத்தை அமைத்த ம.ஹாசன் பெற்றுக்கொண்டார்.
இரண்டாம் இடத்தை உழவு இயந்திரம் மரநடுகை திட்டத்தை போன்று பட்டத்தை அமைத்த ம. பிரசாந் என்பவரும் மூன்றாம் இடத்தை மேள தாளங்களுடன் கூடிய ஆகாய விசித்திர போர்கல அரங்கம் பட்டத்தை அமைத்த நிரோசன் சின்னா என்பவரும் பெற்றுக் கொண்டார்கள்.
முதல் மூன்று இடங்களை பெற்றவர்களுக்கான சிறப்பு பரிசுகளுடன் பட்டப்போட்டியில் பங்கேற்ற அனைத்து பட்ட உரிமையாளர்களுக்கும் பரிசில்களும் இதன்போது வழங்கப்பட்டன.

உள்ளூராட்சி தேர்தலில் விழிப்படைந்த சிறுபான்மை சமூகம் 27 நிமிடங்கள் முன்

மிக மோசமான அணு ஆயுதப் போராக வெடித்திருக்கும்... தடுத்து நிறுத்தினேன்: ட்ரம்ப் பேச்சால் சர்ச்சை News Lankasri

இந்தியாவால் கொல்லப்பட்ட பயங்கரவாதிகள் இறுதிச்சடங்கில் கவனம் ஈர்த்த நபர்... யாரிந்த அப்துல் ரவூஃப் News Lankasri
