இதுவரை ஈரான் மறைத்து வந்த மிக ஆபத்தான ஏவுகணை.. டியாகோ கார்சியா தாக்குதலால் பேரதிர்ச்சியில் உலகநாடுகள்!

இந்தியப் பெருங்கடலில் உள்ள அமெரிக்க - பிரித்தானிய இராணுவத் தளமான டியாகோ கார்சியாவை நோக்கி ஈரான் இரண்டு பாலிஸ்டிக் ஏவுகணைகளைச் செலுத்தியதை உறுதிபடுத்தியுள்ளது. 

முன்னதாக, ஈரான் அந்தத் தளத்தை நோக்கி இரண்டு நடுத்தர தூர பாலிஸ்டிக் ஏவுகணைகளை ஏவியதாகவும், ஆனால் அவை தளத்தைத் தாக்கவில்லை என்றும் தெரிவிக்கப்பட்டது.

இந்நிலையில், குறித்த தாக்குதலுக்கு ஈரான் பொறுப்பேற்றுள்ளதாக அந்நாட்டு அரச தரப்பு ஊடகங்கள் செய்தி வெளியிட்டுள்ளன. 

"இந்தத் தளத்தைக் குறிவைத்தது ஒரு குறிப்பிடத்தக்க நடவடிக்கை. இது ஈரானின் ஏவுகணைகளின் வீச்சு, எதிரி முன்பு கற்பனை செய்ததை விட அதிகம் என்பதைக் காட்டுகிறது" என்று குறித்த செய்திகளில் குறிப்பிடப்பட்டுள்ளது. 

இந்தியாவிற்குள் நுழைந்த யுத்தம்! டியாகோ கார்சியா தீவில் பல்லிஸ்டிக் ஏவுகணை தாக்குதல்கள் - ஈரான் அதிரடி

2,000 கி.மீ திறன்கொண்ட ஏவுகணை  

இந்நிலையில், இந்த சம்பவம் வெறும் இராணுவ நடவடிக்கை மட்டுமல்லாமல், ஈரானின் உண்மையான இராணுவ திறன்கள் குறித்து உலகளாவிய அளவில் புதிய கேள்விகளை எழுப்பியுள்ளது.

வெளியாகியுள்ள தகவல்களின் படி, ஈரான் இரண்டு நடுத்தர தூர பாலிஸ்டிக் ஏவுகணைகளை ஏவியுள்ளது. அவற்றில் ஒன்று தொழில்நுட்ப கோளாறு காரணமாக தோல்வியடைந்ததாகவும், மற்றொன்று அமெரிக்காவின் ஏவுகணை பாதுகாப்பு அமைப்பால் தடுக்கப்பட்டிருக்கலாம் என்றும் கூறப்படுகிறது.

எனினும், இந்த முயற்சி வெற்றி அல்லது தோல்வி என்ற அளவில் மட்டும் மதிப்பிடப்படுவதில்லை. மாறாக, இதன் மூலோபாய மற்றும் அரசியல் தாக்கமே அதிக கவனம் பெறுகிறது. டியாகோ கார்சியா என்பது ஈரானிலிருந்து சுமார் 4,000 கிலோமீட்டர் தூரத்தில் அமைந்துள்ளது.

இதுவரை, ஈரான் தனது பாலிஸ்டிக் ஏவுகணைகளின் அதிகபட்ச தூரம் 2,000 கி.மீ மட்டுமே என அதிகாரப்பூர்வமாக கூறி வந்தது. ஆனால் இந்த தாக்குதல் முயற்சியின் மூலம், ஈரான் தனது உண்மையான ஏவுகணை திறன்களை முழுமையாக வெளிப்படுத்தாமல் வைத்திருப்பது உறுதி செய்யப்பட்டுள்ளதாக சர்வதேவ தரப்பில் தெரிவிக்கப்படுகின்றது. 

மறைக்கப்படும் ஆயுதங்கள்...  

அதாவது, உலகம் அறியாத மறைமுக அல்லது அறிவிக்கப்படாத நீண்ட தூர தாக்குதல் திறன்கள் ஈரானிடம் இருக்கலாம் என்பதற்கான வலுவான சுட்டிக்காட்டாக இது பார்க்கப்படுகிறது.  

இது வெறும் தொழில்நுட்ப முன்னேற்றம் மட்டுமல்ல, இது ஒரு திட்டமிட்ட மூலோபாய அணுகுமுறையாகவும் கருதப்படுகிறது. ஈரான் தனது உண்மையான தாக்குதல் வரம்பை தெளிவாக வெளிப்படுத்தாமல் வைத்திருப்பதன் மூலம், எதிரிகளிடையே குழப்பத்தையும் அச்சத்தையும் உருவாக்குகிறது.

இந்த “திட்டமிட்ட தெளிவின்மை” (doctrinal ambiguity) அமெரிக்கா மற்றும் பிரித்தானியா போன்ற நாடுகளின் பாதுகாப்புத் திட்டங்களை சிக்கலாக்குகிறது.

இந்த முயற்சி, ஈரான் தற்போது உண்மையான இடைநிலை தூர பாலிஸ்டிக் ஏவுகணைகள் (IRBM) திறனை சோதித்து வரக்கூடும் என்பதையும் சுட்டிக்காட்டுகிறது. இதனால், இந்தியப் பெருங்கடல் மட்டுமல்லாமல் தென் ஐரோப்பா பகுதிகளும் எதிர்காலத்தில் ஈரானின் தாக்குதல் வரம்புக்குள் வரக்கூடும்.

டியாகோ கார்சியா தளம் மிகவும் முக்கியமான இராணுவ மையமாகும். இது அமெரிக்காவின் உலகளாவிய இராணுவ நடவடிக்கைகளுக்கான முக்கிய தளமாக செயல்படுகிறது.

ட்ரம்பின் திடீர் தீர்மானம்.. ஈரானிடம் எண்ணெய் கொள்முதல் செய்யும் வல்லரசுக்கள்

ஈரானின் IRBM சோதனை 

இங்கு நீண்ட தூர குண்டுவீச்சு விமானங்கள் (heavy bombers), கண்காணிப்பு விமானங்கள் மற்றும் பல முக்கிய இராணுவ வளங்கள் தங்கியுள்ளன. இந்த தளம் தாக்குதலுக்குள் வருவது, அமெரிக்காவின் உலகளாவிய தாக்குதல் திறனை நேரடியாக பாதிக்கக்கூடியதாகும்.

இந்த தாக்குதல் முயற்சியின் மூலம், ஈரான் மத்திய கிழக்கு பகுதியைத் தாண்டி, இந்தியப் பெருங்கடல் பகுதியையும் போரின் புதிய மேடையாக மாற்றியுள்ளது. இதன் மூலம், “அமெரிக்காவின் எந்தத் தளமும் பாதுகாப்பானது அல்ல” என்ற வலுவான அரசியல் மற்றும் இராணுவச் செய்தியை ஈரான் அனுப்பியுள்ளது என தெரிவிக்கப்படுகின்றது. 

இதனால், அமெரிக்கா மற்றும் பிரித்தானியா தங்களது ஏவுகணை பாதுகாப்பு வளங்களை மறுசீரமைக்க வேண்டிய சூழல் உருவாகியுள்ளது.

குறிப்பாக, தெற்குப் பகுதிகளுக்கு கூடுதல் பாதுகாப்பு அமைப்புக்களை மாற்ற வேண்டிய நிலை ஏற்படலாம். இது அவர்களின் இராணுவ வளங்களைப் பிளவுபடுத்தும் அபாயத்தையும் ஏற்படுத்துகிறது.  

US - SM-3 ஏவுகணை தடுப்பு

மேலும், வளைகுடா நாடுகள் மற்றும் இஸ்ரேல் போன்ற நாடுகளும் தங்களது ஏவுகணை பாதுகாப்பு அமைப்புகளை மீண்டும் மதிப்பீடு செய்ய வேண்டிய கட்டாயத்தில் உள்ளன. ஏவுகணை தூரம் அதிகரித்தால், தற்போதைய பாதுகாப்பு அடுக்குகள் போதுமானதாக இருக்குமா என்ற கேள்வியும் எழுகிறது.

இந்த தாக்குதலின் போது, அமெரிக்கா SM-3 வகை ஏவுகணை தடுப்பு அமைப்பைப் பயன்படுத்தியதாக தகவல்கள் வெளியாகியுள்ளன. இதன் முடிவு தெளிவாக தெரியவில்லை.

எனினும், அது வெற்றியடைந்திருந்தாலும் கூட, அமெரிக்காவை உயர் தர மற்றும் அதிக செலவுடைய பாதுகாப்பு வளங்களை பயன்படுத்தத் தள்ளியிருப்பது ஈரானுக்கு ஒரு அரசியல் வெற்றியாகக் கருதப்படுகிறது. மாறாக, அந்த தடுப்பு முயற்சி தோல்வியடைந்திருந்தால், பழைய பாலிஸ்டிக் ஏவுகணை தொழில்நுட்பங்களுக்குப் பிறகும், நவீன ஏவுகணை பாதுகாப்பு அமைப்புகளையே சவாலுக்கு உள்ளாக்க முடியும் என்பதையும் இது காட்டியிருக்கும்.

மொத்தத்தில், இந்த தாக்குதல் முயற்சி வெற்றி அல்லது தோல்வி என்ற அளவைத் தாண்டி, உலகளாவிய பாதுகாப்பு கணக்கீடுகளை மாற்றக்கூடிய ஒரு முக்கிய மூலோபாய சமிக்ஞையாக பார்க்கப்படுகிறது.

ஈரான் தனது உண்மையான இராணுவ திறன்களை முழுமையாக வெளிப்படுத்தாமல் வைத்திருப்பது, எதிர்காலத்தில் மேலும் பெரிய அதிர்ச்சிகளை ஏற்படுத்தக்கூடும் என்ற அச்சத்தையும் இது உருவாக்கியுள்ளது.

ஈரானின் கடுமையான தாக்குதல்! இரவோடு இரவாக களத்தில் இறங்கிய இஸ்ரேல் - வளைகுடா நாடுகள்