ஐபிஎல் 2026 - தோனி விளையாடமாட்டார்! சிஎஸ்கே அணியின் அதிகாரப்பூர்வ அறிவிப்பு

ஐபிஎல் 2026 இன்று ஆரம்பமாகவுள்ள நிலையில், கால் தசையில் (calf strain) பாதிப்பு காரணமாக எம்.எஸ். தோனி ஐபில் 2026 இன் முதல் இரண்டு வாரங்களில் விளையாட மாட்டார் என்று சென்னைக் சூப்பர் கிங்ஸ் (CSK) அணி அதிகாரபூர்வமாக தெரிவித்துள்ளது.

"எம்.எஸ். தோனி தற்போது கால் தசைப்பிடிப்புக்காக மறுவாழ்வு சிகிச்சை பெற்று வருகிறார்.

இதன் விளைவாக, அவர் டாடா ஐபிஎல் 2026 தொடரின் முதல் இரண்டு வாரப் போட்டிகளில் பங்கேற்க மாட்டார் என எதிர்பார்க்கப்படுகிறது," என்று சென்னைக் சூப்பர் கிங்ஸ் அணி சமூக வலைதளங்களில் தெரிவித்துள்ளது.

அமெரிக்காவிலிருந்து புறப்பட்ட பிரம்மாண்ட USS George HW Bush! மத்திய கிழக்கில் பதற்றம்

சிஎஸ்கே அணி 

சிஎஸ்கே அணி தனது தொடக்கப் போட்டியில் திங்கட்கிழமை(30) ராஜஸ்தான் ரோயல்ஸ் அணியை எதிர்கொள்ளவுள்ளது. முன்னதாக, சிஎஸ்கே அணி தனது பயிற்சிப் போட்டியின் காணொளியை பகிர்ந்திருந்தது.

அதில் தோனி துடுப்பெடுத்தாட , சஞ்சு சாம்சன் விக்கெட் கீப்பிங் செய்திருந்தார். இருப்பினும், ராஜஸ்தான் ராயல்ஸ் அணிக்கு எதிரான வரவிருக்கும் போட்டியில் தோனி பங்கேற்க மாட்டார் என்பதை அந்த அணி உறுதி செய்துள்ளது.

தோனி சில நாட்கள் போட்டிகளில் இல்லாததால், தொடக்க சில போட்டிகளில் சிஎஸ்கேக்கு சஞ்சு சாம்சன் விக்கெட் கீப்பிங் செய்வார் என எதிர்பார்க்கப்படுகிறது.

  சிஎஸ்கே அணியினர் வர்த்தக பரிமாற்றம் மூலம் மேலும் ரவிந்திர ஜடேஜா மற்றும் சாம் கரன் ஆகியோரை கொடுத்து முன்னாள் ரோயல்ஸ் கேப்டன் சஞ்சு சாம்சனை வாங்கினர். இங்கிலாந்து சகலத்துறை ஆட்டடகாரர் சாம் கரன் காயம் காரணமாக ஐபிஎல் 2026 இல் விளையாடமாட்டார்.

மலிங்கவின் திறமையின் தேடல்! கண்டுபிடிக்கப்பட்ட மட்டக்களப்பின் வேகப்புயல்

 ​​சாம்சன்- ஜடேஜா

எனனும் திங்களன்று குவஹாட்டியில் உள்ள பர்சபாரா மைதானத்தில் ராஜஸ்தான் ராயல்ஸ் மற்றும் சிஎஸ்கே அணிகள் மோதும் போது, ​​சாம்சனும் ஜடேஜாவும் தங்களின் முன்னாள் அணிகளுக்கு எதிராக விளையாடுவதைப் பார்ப்பது சுவாரஸ்யமாக இருக்கும் என எதிர்பார்க்கப்படுகின்றது.

தோனியின் முழங்கால் பிரச்சினைகள் தொடர்வதால், இந்த சீசன் அவருக்கு கடைசி சீசனாக இருக்கலாம் என்று நீண்ட காலமாக ஊகிக்கப்பட்டு வருகிறது. சமீபத்தில் சேப்பாக்கம் மைதானத்தில் நடந்த 'ரோர் 26' நிகழ்வின்போது, ​​தனது உடற்தகுதி குறைந்து வருவதை தோனி ஒப்புக்கொண்டார்.

"அது மேலும் குறைந்து வருகிறது" என்றும் அவர் கூறினார். இந்த உடற்தகுதி, வயது மற்றும் முழங்கால் தொடர்பான பிரச்சினைகள் காரணமாக, அவர் கீழ்மட்ட மிடில் ஆர்டருக்கு மாறி, தனது உடலைப் பாதுகாப்பதற்காகவும், 'தல கிங்டம்' ரசிகர்களை மகிழ்விப்பதற்காகவும், டெத் ஓவர்களின் போது சில பெரிய ஷாட்களை அடித்து வருகிறார்.

தோனியின் இறுதி சீசன்

ருதுராஜ் கெய்க்வாட் சிறிது காலத்திற்கு அணியை வழிநடத்துவதாலும், ரசிகர்களுக்குப் பிடித்தமான விக்கெட் கீப்பிங் தேர்வான சாம்சனை அணி ஒப்பந்தம் செய்ததாலும், அறிமுக வீரரான ராஜஸ்தான் விக்கெட் கீப்பர்-பேட்டர் கார்த்திக் சர்மா மீது ரூ.14.20 கோடி முதலீடு செய்ததாலும், ஐபிஎல் 2026 தோனியின் கடைசி ஆட்டமாக இருக்கும் என்ற யூகங்கள் மேலும் வலுப்பெற்றுள்ளன.

இந்த முதலீடுகள், சிஎஸ்கே அணிக்கு தோனிக்குப் பிறகான வாழ்க்கைக்கான தயாரிப்புகளாகப் பார்க்கப்படுகின்றன.

278 போட்டிகளில், தோனி 242 இன்னிங்ஸ்களில் 5,439 ரன்கள் பெற்று, சராசரி 38.30 மற்றும் ஸ்ட்ரைக் ரேட் 137.45, 24 அரைசதங்கள் மற்றும் சிறந்த ஸ்கோர் 84* என பதிவு செய்துள்ளார். அவர் ஐபிஎல் வரலாற்றில் ஆறாவது அதிக ஓட்டங்கள் பதிவுசெய்த வீரராவார்.

சென்னைக் சூப்பர் கிங்ஸ் அணியின் நட்சத்திர வீரர் ரவிந்ர ஜடேஜாவை வேறு அணியல் பார்க்க கவலையாக உள்ளதாக ரசிகர்கள் தற்போதும் தெரிவித்து வருகின்றனர். இந்நிலையில், 19வது ஐபிஎல் கிரிக்கெட் தொடர் இன்று(28) தொடங்குகிறது. பெங்களூரு சின்னசாமி ஸ்டேடியத்தில் இன்று இரவு 7.30 மணிக்கு தொடங்கும் முதல் போட்டியில் நடப்பு சாம்பியன் ராயல் சேலஞ்சர்ஸ் பெங்களூரு, சன்ரைசர்ஸ் ஐதராபாத் அணிகள் மோதுகின்றன.

ஈரானுடன் ட்ரம்ப் ஏற்படுத்தும் ஒப்பந்தம்: 15 அம்சத் திட்டங்கள் தொடர்பில் அமெரிக்கா எதிர்பார்ப்பு