லங்காசிறி FM
இந்திய இழுவைப்படகுகளின் அத்துமீறிய செயற்பாடுகள் குறித்து முன்வைக்கப்பட்டுள்ள கோரிக்கை
அதிகரித்துள்ள இந்திய இழுவைப்படகுகளின் அத்துமீறிய வருகை மற்றும், அதிகரித்த சட்டவிரோத கடற்றொழில் செயற்பாடுகளால் வடபகுதி கடற்றொழிலாளர்களின் பருவகால இறால்பிடி பாதிக்கப்பட்டுள்ளதாக வன்னி மாவட்ட நாடாளுமன்ற உறுப்பினர் துரைராசா ரவிகரன் சுட்டிக்காட்டியுள்ளார்.
இதுதொடர்பில் அவர் மேலும் கருத்துத் தெரிவிக்கையில்,
"வடபகுதியில் சட்டவிரோத கடற்றொழிலால் மக்கள் முற்றுமுழுதாக நசுக்கப்படுகின்றார்கள். மக்கள் அவதிப்படுகின்றார்கள். எனவே இந்த விடயத்தை புதிய அரசின் கவனத்திற்கு கொண்டு வருகின்றேன்.
முல்லைத்தீவு, மன்னார், யாழ்ப்பாணம், கிளிநொச்சி ஆகிய நான்கு மாவட்டங்களிலும் இலட்சக்கணக்கான கடற்றொழிலாளர்கள் வட பகுதியில் உள்ளனர். இவர்களுடைய வாழ்வாதாரம் அழிக்கப்படுகின்றது. செய்வதறியாது மக்கள் குமுறுகின்றனர்.
இறால் பருவகாலத் தொழில்
இந்திய இழுவைப்படகுகள் எமது கடற்றொழிலாளர்களின் வாழ்க்கையைச் சிதைக்கின்றார்கள். ஒவ்வொரு வருடமும் மார்கழி, தை, மாசி மாதங்கள் இறால் பருவகாலத் தொழிலை வடக்கில் முல்லைத்தீவு, வடமராட்சி கிழக்கு, மற்றும் வடமராட்சி உட்பட சில இடங்களிலுள்ள மக்கள் மேற்கொள்வார்கள்.
இப்பகுதி கடற்றொழிலாளர்களின் வருடாந்த சேமிப்பாக இந்த மூன்று மாதகால தொழில் அடங்கும். கடந்த சில வருடங்களாக இறால் பருவகாலத் தொழில் செய்வதற்கு இந்திய இழுவைப்படகுகள் முட்டுக்கட்டை போடுகின்றன.
முல்லைத்தீவின் கடற்கரையோரங்களுக்கு இந்திய இருவைப்படகுகள் வருகை தந்து இழுவைமடி, சட்டவிரோத தொழிலை செய்வதால் எமது கடற்றொழிலாளர்களின் தொழில்கள் முற்றாகப் பாதிப்படைந்துள்ளன. கடற்படையினர் எமது நாட்டின் எல்லைகளைப் பாதுகாப்பதை விட இந்திய இழுவைப்படகுகளின் சட்டவிரோத தொழில்களுக்கு ஊக்கம் கொடுக்கின்றார்களோ என்ற சந்தேகம் கடற்றொழிலாளர்கள் மத்தியில் எழுந்துள்ளது.
சட்டவிரோத தொழில்கள்
ஏன், அண்மையில் மியன்மார் நாட்டிலிருந்து படகில் வந்த அகதிகள் கூட முள்ளிவாய்க்கால் கடற்கரைக்கு வரும் வரை கடற்படைக்குத் தெரியாது. இந்த நிலமைகள் மாறவேண்டும். எமது கடற்றொழிலாளர்கள் சுதந்திரமாக எமது கடலில் கடற்றொழிலில் ஈடுபட வேண்டும். தங்களின் வாழ்வாதாரத்தை அவர்கள் பார்க்கவேண்டும். சட்டவிரோத தொழில்கள் யார் செய்தாலும் தடுக்கப்படைவேண்டும். தண்டனை கொடுக்கப்பட வேண்டும்.
அடுத்த நாடுகளின் படகுகள் தங்களுடைய கடலில் தொழில் செய்யட்டும். எல்லை தாண்டி எமது கடற்பரப்புக்குள் அந்நியப் படகுகள் நுழைவதை கடற்படை தடுக்கவேண்டும். இதனை கடற்றொழில் அமைச்சரின் கவனத்திற்குக் கொண்டு வருகின்றேன்.
உங்களால் முடியாவிட்டால் எமது கடற்றொழிலாளர்களிடம் அந்தப்பொறுப்பை ஒப்படையுங்கள். கலங்களையும் தாருங்கள். அவர்கள் பார்த்துக்கொள்வார்கள். தயவு செய்து வடபகுதி கடற்றொழிலாளர்களை வாழவிடுங்கள். புதிய அரசானது பாகுபாடு காட்டாமல் எமது கடற்றொழிலாளர்களை பாதுகாக்கும் என்று நம்புகின்றோம்” என்றார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
நேட்டோ தலைவருடன் சந்திப்பு... பிரித்தானியா உட்பட 8 நாடுகள் மீதான வரியை ரத்து செய்த ட்ரம்ப் News Lankasri
அம்மாவான பின்னும் குறையாத இளமை... sleeveless ஜாக்கெட்டுடன் ரசிகர்களை கிறங்கடிக்கும் VJ அஞ்சனா! Manithan
அண்ணன்கள் வீட்டில் ஏற்பட்ட அவமானம், அழுத கோமதிக்கு வந்த சந்தோஷ செய்தி... பாண்டியன் ஸ்டோர்ஸ் 2 கொண்டாட்ட எபிசோட் Cineulagam
யாழ் நவாலி வடக்கு, Jaffna, நவாலி வடக்கு, சென்னை, India, London, United Kingdom
10 Jan, 2026
காரைநகர், யாழ்ப்பாணம், Richmond Hill, Canada, வெள்ளவத்தை
02 Feb, 2025
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025
சுதுமலை, மருதனாமடம், வவுனியா, கொழும்பு, Ruislip Hillingdon, Middlesex, United Kingdom, Coventry, United Kingdom
22 Jan, 2025
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
நாரந்தனை, பிரான்ஸ், France, Mitcham, United Kingdom
06 Jan, 2026
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
வல்வெட்டி, தெல்லிப்பளை, வட்டுக்கோட்டை, கொழும்பு, Toronto, Canada
21 Dec, 2025
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
திருகோணமலை, Erlalai, புங்குடுதீவு, கட்டுவன், மட்டக்களப்பு, கனடா, Canada
20 Jan, 2016
