லங்காசிறி FM
இராமேஸ்வரம் கடற்றொழிலாளர்கள் மீது இலங்கை கடற்படையினர் தாக்குதல் நடத்தியதாக குற்றச்சாட்டு (Video)
இலங்கை கடற்படையினர் இந்திய கடற்றொழிலாளர்கள் மீது தாக்குதல் மேற்கொண்டதாக இராமேஸ்வரம் கடற்றொழிலாளர்கள் குற்றச்சாட்டியுள்ளனர்.
இது தொடர்பில் இராமேஸ்வரம் மீனவ சங்க தலைவர் ஜேசுராஜா தெரிவித்ததாவது,
இராமேஸ்வரம் மீன்பிடி துறைமுகம்
“இராமேஸ்வரம் மீன்பிடி துறைமுகத்தில் இருந்து நேற்று சுமார் 400க்கும் மேற்பட்ட விசைப்படகுகளில் கடற்றொழிலாளர்கள் மீன்பிடிக்க கடலுக்குள் சென்றனர்.
கடற்றொழிலாளர்கள் நேற்று மாலை மீன்பிடித்துக் கொண்டிருந்த போது அப்பகுதியில் ரோந்து பணியில் ஈடுபட்ட இலங்கை கடற்படையினர் எல்லை தாண்டி மீன் பிடிப்பதாக ஒலி பெருக்கி மூலமாக எச்சரித்துள்ளனர்.
இதனால் அப்பகுதியில் மீன் பிடித்து கொண்டிருந்த கடற்றொழிலாளர்கள் கைது நடவடிக்கைக்கு அஞ்சி நாலாபுறமும் சிதறி ஓடியுள்ளனர்.
கச்சத்தீவு
இதனையடுத்தது இன்று காலை கடற்றொழிலாளர்கள் கச்சத்தீவு அருகே மீன்பிடித்துக் கொண்டிருக்கும் போது ரோந்து பணியில் ஈடுபட்ட இலங்கை கடற்படையினர் எல்லை தாண்டி மீன் பிடித்ததாக கடற்றொழிலாளர்களை நோக்கி கற்களை கொண்டு வீசி விரட்டியுள்ளனர்.
மேலும் விசைப்படகில் இருந்த கடற்றொழிலாளர்களை தாக்கிய இலங்கை கடற்படை மீன் பிடி வலைகளை வெட்டி கடலில் வீசியுள்ளனர்.
இதனால் கடற்றொழிலாளர்கள் கைது நடவடிக்கைக்கு அஞ்சி இராமேஸ்வரம் துறைமுகத்தை நோக்கி வந்தனர்.
நடுக்கடலில் கடற்றொழிலாளர்கள் மீன் பிடிக்க விடாமல் இலங்கை கடற்படை தொடர்ந்து விரட்டியதால் கடற்றொழிலாளர்கள் மீன் பிடிக்க முடியாமல் படகு ஒன்றுக்கு சுமார் 70ஆயிரம் வரை நஷ்டத்துடன் கடற்றொழிலாளர்கள் கரை திரும்பினர்.
நேற்று நள்ளிரவு எல்லை தாண்டி மீன் பிடித்தாக ஜெகதாபட்டிணம் கடற்றொழிலாளர்கள் எட்டு
பேரை இலங்கை கடற்படையினர் கைது செய்த நிலையில், இன்று காலை கடற்றொழிலாளர்கள் மீது
இலங்கை கடற்படை கற்களை கொண்டு வீசி தாக்குதல் நடத்திய சம்பவம் கடற்றொழிலாளர்களிடையே
அதிர்ச்சியை ஏற்படுத்தியுள்ளது” என்றார்.
புங்குடுதீவு 3ம் வட்டாரம், Blackburn England, United Kingdom, Edinburgh, Scotland, United Kingdom
23 Jan, 2026
நெடுந்தீவு மேற்கு 4ம் வட்டாரம், நல்லூர்
09 Feb, 2026
புங்குடுதீவு 12ம் வட்டாரம், முல்லைத்தீவு, Sarcelles, France
13 Feb, 2021
கொய்யாத்தோட்டம், யாழ்ப்பாணம், London, United Kingdom, Osterode am Harz, Germany
14 Feb, 2022
கல்வியங்காடு, யாழ்ப்பாணம், கொழும்பு, Colindale, United Kingdom
06 Feb, 2026
