லங்காசிறி FM
மோடியின் இரகசிய அடி.. உருக்குலைய போகும் பாகிஸ்தானின் வாழ்வாதாரம்!
இந்திய அரசாங்கம், தற்போது சிந்து, சட்லஜ் மற்றும் பியாஸ் நதிகளில் இருந்து பாகிஸ்தானுக்கு செல்லும் நீரை நிறுத்தும் நீண்டகாலத் திட்டத்தை மேற்கொள்ளவுள்ளதாக தகவல்கள் தெரிவிக்கின்றன.
காஷ்மீர் மாகாணத்தின் பஹல்காமில் நடந்த கொடிய பயங்கரவாத தாக்குதலுக்கு பதிலளிக்கும் விதமாக, பாகிஸ்தானுடனான சிந்து நதி நீர் ஒப்பந்தத்தை இடைநிறுத்துவதன் மூலம் இந்திய அரசாங்கம் ஒரு பெரிய நடவடிக்கையை எடுத்தது.
இதனை தொடர்ந்து, குறித்த தாக்குதலுக்கு பதிலளிக்கும் முகமாக இந்தியா தற்போது இந்த அதிரடி திட்டத்தை செயற்படுத்தவுள்ளதாக தகவல்கள் தெரிவிக்கின்றன.
முக்கிய நதிகள்
இந்தத் திட்டத்தின் மூலம் பாகிஸ்தானின் நீர்விநியோகத்தை சீர்குலைக்கும் வகையில் சிந்து நதியின் நீரை திருப்பி மற்ற நதிகளுடன் இணைத்து இந்தியப் பகுதிகளுக்குள் செலுத்த திட்டமிடப்பட்டுள்ளதாக கூறப்படுகின்றது.
குறித்த நீர் திட்டத்தின் முக்கிய அம்சமாக, சிந்து நதியை ரவி மற்றும் பியாஸ் நதிகளுடன் இணைத்து, சட்லஜ் வழியாக ஹரிகே தடுப்பணைக்கு கொண்டு செல்லும் வகையில் 200 கிலோமீட்டர் நீளமான, 12 பெரிய சுரங்கப்பாதைகள் கொண்ட கால்வாய் கட்ட திட்டமிடப்பட்டுள்ளது.
இந்த கால்வாய் இந்தியாவின் உள்நாட்டு நீர் தேவையை பூர்த்தி செய்யும் வகையிலும் அமைக்கப்படுகிறது.
இந்த திட்டம் ஜம்மு காஷ்மீர், பஞ்சாப், ஹரியானா, இமாச்சலப் பிரதேசம், ராஜஸ்தான் மற்றும் உத்தரப்பிரதேசம் போன்ற மாநிலங்களுக்கு மேம்பட்ட நீர்விநியோகத்தை வழங்கும்.
சத்தமின்றிய தண்டனை
குறிப்பாக, மழைக்குறைவால் பாதிக்கப்பட்ட பகுதிகளில் விவசாயத்துக்கும் குடிநீருக்கும் இது ஒரு முக்கிய ஆதாரமாக இருக்கும்.
இந்த திட்டத்தின் மூலம் கங்கை மற்றும் யமுனை நதிகளில் நீர் நிலைகளை உயர்த்தும் நோக்கமும் உள்ளது. மாசுபாட்டால் பாதிக்கப்பட்ட யமுனை நதியின் பகுதிகள் மீண்டும் உயிர் பெறும் என எதிர்பார்க்கப்படுகிறது.
இதற்காக கங்கை கால்வாயின் கொள்ளளவை அதிகரித்தல், கசிவை தடுப்பது போன்ற நடவடிக்கைகளும் மேற்கொள்ளப்பட்டு வருகின்றன.
இந்த திட்டம் வெளிப்படையான தாக்குதலாக இல்லாமல், பாகிஸ்தானை "சத்தமின்றி தண்டிக்கும் உத்தி" எனக் கருதப்படுகிறது.
நீர்விநியோகம் குறைய, பாகிஸ்தானில் குடிநீர் மற்றும் விவசாயத் துறைகள் கடுமையாக பாதிக்கப்படலாம். இந்த திட்டம் இரண்டு முதல் மூன்று ஆண்டுகளில் நிறைவேறும் என அதிகாரிகள் நம்பிக்கை தெரிவித்துள்ளனர்.
வடிவேல் பாலாஜி போல் கெட்டப் போட்டு மாறிய அவரது மகன் ஸ்ரீகாந்த்.. இதோ புகைப்படத்தை பாருங்க Cineulagam
பாகிஸ்தானுக்கு பெரும் சிக்கல்.... 200 கி.மீ நீள கால்வாய்: தண்டிக்க திட்டமிடும் இந்தியா News Lankasri
பாகிஸ்தானுக்கு அடுத்த அதிர்ச்சி., இந்தியக கடற்படையில் 10 புதிய போர்க்கப்பல்கள் இணைப்பு News Lankasri
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
புங்குடுதீவு 11ம் வட்டாரம், புங்குடுதீவு 8ம் வட்டாரம், Toronto, Canada
21 May, 2024
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
