இலங்கையில் இன்புளுவென்சா தொற்று அதிகரிப்பு! காய்ச்சல் ஏற்பட்டால் மருத்துவரை நாடுமாறு அறிவுறுத்தல்

Cold Fever Sri Lanka Ministry of Health Sri Lanka Sri Lankan Peoples

By Mayuri Oct 15, 2026 09:25 AM GMT

Mayuri

in ஆரோக்கியம்

Report

நாட்டில் தற்போது பரவி வரும் இருமல், தடிமன் மற்றும் காய்ச்சல் போன்ற அறிகுறிகள் பெரும்பாலும் இன்புளுவென்சா தொற்றுடன் தொடர்புடையவையாக இருக்கலாம் என சுகாதார அமைச்சின் தொற்றுநோயியல் பிரிவின் பிரதான தொற்றுநோயியல் நிபுணர் மருத்துவர் பாலித கருணாபேம தெரிவித்துள்ளார்.

இலங்கையில் அண்மைக்காலமாக இன்புளுவென்சா தொற்றின் அதிகரிப்பு அவதானிக்கப்பட்டுள்ளதாகவும் அவர் சுட்டிக்காட்டியுள்ளார்.

இன்புளுவென்சா தொற்று

மேலும் தெரிவிக்கையில், கடந்த வாரம் பரிசோதனைக்காக பெறப்பட்ட மாதிரிகளில் சுமார் 35 சதவீதமானவற்றில் இன்புளுவென்சா தொற்று உறுதிப்படுத்தப்பட்டுள்ளன. இந்த தொற்றைப் பொதுவாக உரிய சிகிச்சையின் மூலம் குணப்படுத்த முடியும் என்பதால், பொதுமக்கள் தேவையற்ற அச்சமடையத் தேவையில்லை.

எனினும், கர்ப்பிணித் தாய்மார்கள், சிறுவர்கள், முதியவர்கள் மற்றும் தொற்றா நோய்களால் பாதிக்கப்பட்டவர்கள் இன்புளுவென்சா தொற்றுக்கு உள்ளாகும்போது சில சந்தர்ப்பங்களில் சிக்கல்கள் ஏற்படக்கூடும். இதனால் அவர்கள் கூடுதல் கவனத்துடன் இருக்க வேண்டும்.

இலங்கையில் இன்புளுவென்சா தொற்று அதிகரிப்பு! காய்ச்சல் ஏற்பட்டால் மருத்துவரை நாடுமாறு அறிவுறுத்தல் | Increase In Influenza Infections In Sri Lanka

சுகாதாரப் பழக்கவழக்கங்களைப் பின்பற்றுவது அவசியம்

இன்புளுவென்சா தொற்று, இருமல் மற்றும் தும்மலின்போது வெளியேறும் சுவாசத் துளிகள் ஊடாகப் பரவக்கூடும். எனவே, சவர்க்காரம் பயன்படுத்தி அடிக்கடி கைகளைக் கழுவுதல், போதுமான அளவு நீர் அருந்துதல் உள்ளிட்ட சுகாதாரப் பழக்கவழக்கங்களைப் பின்பற்றுவது அவசியம்.

மேலும் காய்ச்சல் ஏற்படும்போது மருத்துவ ஆலோசனைக்கு ஏற்ப மருந்துகளைப் பயன்படுத்தலாம். இருமல் உள்ளிட்ட அறிகுறிகள் காணப்பட்டால் மருத்துவரை அணுகுவது முக்கியம் என குறிப்பிட்டுள்ளார்.