லங்காசிறி FM
ஐசீசீபிஆர் உடன்படிக்கையை மீற வேண்டாம் - அரசை எச்சரிக்கும் ஐக்கிய மக்கள் சக்தி
ஐசீசீபிஆர் என்ற சிவில் மற்றும் அரசியல் உரிமைகள் தொடர்பான சர்வதேச உடன்படிக்கையை தவறாக பயன்படுத்துவதற்கு எதிராக, ஐக்கிய மக்கள் சக்தி அரசாங்கத்தை எச்சரித்துள்ளது.
இன்று(20.06.2023) நாடாளுமன்றத்தில் உரையாற்றும் போதே ஐக்கிய மக்கள் சக்தியின் நாடாளுமன்ற உறுப்பினர் எரான் விக்ரமரத்ன இந்த விடயத்தை சுட்டி காட்டினார்.
இது தொடர்பில் மேலும் கருத்து தெரிவித்த அவர்,
"எந்தவொரு மதத்தையும் அவமதிப்பதை தமது கட்சி ஆதரிக்காது. இதுபோன்ற செயற்பாடுகளை மேற்கொள்ளும் எவரும் மன்னிப்பு கேட்க வேண்டும்.
ஐசீசீபிஆர் என்ற சிவில் மற்றும் அரசியல் உரிமை
எனினும், எவரையும் கைது செய்யும் போது அரசாங்கம் பயங்கரவாதத் தடைச் சட்டத்தை தவறாகப் பயன்படுத்தியதை போன்று ஐசீசீபிஆர் சட்டத்தையும் தவறாகப் பயன்படுத்தக் கூடாது.
அண்மையில் நகைச்சுவை பேச்சாளர் நடாஷா எதிரிசூரிய, புருனோ திவாகரா மற்றும் ராஜாங்கனே சதாரத்ன தேரர் ஆகியோர் கைது செய்யப்பட்டு விளக்கமறியலில் வைக்கப்பட்டுள்ளனர்.
நடாஷா எதிரிசூரிய செய்த சட்டவிரோத செயலுக்கு உதவிய குற்றச்சாட்டில் புருனோ திவாகர கைது செய்யப்பட்டதாக தெரிவிக்கப்பட்டுள்ளது.
மத நல்லிணக்கத்தை சீர்குலைக்கும் வகையிலான கருத்துக்களை வெளியிட்ட குற்றச்சாட்டின் பேரில் ராஜாங்கனே சதாரதன தேரர் கடந்த மே மாதம் அனுராதபுரத்தில் வைத்து கைது செய்யப்பட்டுள்ளார்.
இவ்வாறான கைது நடவடிக்கைகளின் போது அரசாங்கம் ஐசீசீபிஆர் என்ற சிவில் மற்றும் அரசியல் உரிமைகள் தொடர்பான சர்வதேச உடன்படிக்கைக்கு அமைவாக செயற்பட வேண்டும்.
மேலும், இன்று ராஜபக்ச தரப்பு பண்டிதர்கள் கிராமம் கிராமமாகச் சென்று நாட்டைக் கட்டியெழுப்ப முடியும் என்று கூறுவதாகவும், நாட்டை திவாலாக்கியவர் யார் என்பதை இப்போது மறந்துவிட்டதாகவும் இரான் விக்கிரமரத்ன சுட்டிக்காட்டியுள்ளார்.
ரணில் விக்ரமசிங்கவை முன்னிறுத்தி, சர்வதேச நாணய நிதியத்தின் பின்னால் மறைந்து கொண்டு, தேசிய பாதுகாப்பு குறித்துப் பேசிக் கொண்டு பழைய வீரர்கள் மீண்டும் இடத்துக்கிடம் தலைகாட்டத் தொடங்கியுள்ளனர்.
இலங்கையில் 17 பேருக்கு ஒரு அரச உத்தியோகத்தர் இருக்கின்றனர். ஜப்பானில் 300 பேருக்கு ஒரு அரச உத்தியோகத்தர் இருக்கின்றனர். அவ்வாறான நிலையில், எப்படி நாட்டை இவ்வாறு கட்டியெழுப்ப முடியும் என்றும் இரான் விக்ரமரத்ன கேள்வி எழுப்பியுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021