லங்காசிறி FM
உலகிற்கு பாரிய அச்சத்தை ஏற்படுத்தும் ஹவுதிகள்! ஹோர்முஸை தொடர்ந்து அபாயத்தில் முக்கிய நீரிணை
Sajithra
in மத்திய கிழக்கு
ஹோர்முஸ் நீரிணையை போன்று இன்னொரு முக்கியமான நீரிணையும் முடக்கப்படும் ஆபத்து உருவாகியுள்ளதாக சர்வதேச தகவல்கள் தெரிவிக்கின்றன.
அமெரிக்கா, இஸ்ரேல் மற்றும் ஈரானுக்கு இடையிலான மோதல் தீவிரமடைந்து வரும் நிலையில், அனைவரின் கவனமும் தற்போது தெற்கு நோக்கி, செங்கடலில் அமைந்துள்ள மற்றொரு குறுகிய நீர்ப்பகுதியான பாப்-எல்-மண்டேப் நீரிணையின் பக்கம் திரும்பியுள்ளதாக கூறப்படுகின்றது.
செங்கடலின் தென்முனையில் அமைந்துள்ள இந்த நீரிணை முடக்கப்பட்டால், நவீன வரலாற்றிலேயே உலக எரிசக்திச் சந்தைகளுக்கு ஏற்படவிருக்கும் மிகக் கடுமையான இடையூறாக இருக்கும் என வல்லுநர்கள் கணித்துள்ளனர்.
பாப்-எல்-மண்டேப் நீரிணை
ஈரான் போரில் ஒரு மாதத்திற்கு பிறகு களத்தில் குதித்துள்ள ஹவுதிகளால், தற்போது மிக மோசமான பாதிப்புகள் ஏற்படலாம் என்றே கூறுகின்றனர். ஹவுதிகள் கட்டுப்பாட்டிலேயே இந்த நீரிணை உள்ளது.
ஹோர்முஸ் நீரிணை ஒரு பெரிய எண்ணெய் சார்ந்த பகுதி என்றால் பாப்-எல்-மண்டேப் நீரிணை என்பது மிகப்பெரிய அளவிலான வர்த்தகம் சார்ந்த பகுதி என்றே குறிப்பிடுகின்றனர்.
இந்த பாப்-எல்-மண்டேப் நீரிணை செங்கடலை ஏடன் வளைகுடா மற்றும் இந்தியப் பெருங்கடலுடன் இணைக்கிறது.
முக்கிய வர்த்தகங்கள்..
ஏறக்குறைய 100 கிலோமீற்றர் நீளமும் 30 கிலோமீற்றர் அகலமும் கொண்ட இந்த நீரிணை, அரேபியத் தீபகற்பத்தில் அமைந்துள்ள ஏமனை, ஆபிரிக்காவின் கொம்புப் பகுதியில் உள்ள ஜிபூட்டி மற்றும் எரித்திரியாவிடமிருந்து பிரிக்கிறது.
ஆசியா மற்றும் ஐரோப்பாவிற்கு இடையே பயணிக்கும் கப்பல்கள், சூயஸ் கால்வாயை அடைவதற்கு இந்த நீரிணை வழியாகவே கடந்து செல்ல வேண்டும்; இதுவே இதனை உலகின் மிகவும் பரபரப்பான மற்றும் உத்திசார் முக்கியத்துவம் வாய்ந்த கப்பல் போக்குவரத்துப் பாதைகளில் ஒன்றாக ஆக்குகிறது.
உலகளாவிய எண்ணெய் மற்றும் இயற்கை எரிவாயு ஏற்றுமதிகளில் சுமார் 10 முதல் 12 சதவீதம் வரை பாப்-எல்-மண்டப் வழியாகச் செல்கின்றன.
ஆனால், ஹவுதிகள் கட்டுப்பாட்டில் இருக்கும் இந்த நீரிணை முடக்கப்படுவதாக அறிவிக்க வேண்டியதில்லை என்றும், ட்ரோன் அல்லது ஏவுகணை அச்சுறுத்தல் இருப்பதாக கசியவிடும் தகவல்களே கப்பல் போக்குவரத்தை முழுமையாக முடக்கிவிடும் என்கிறார்கள் அரசியல் பார்வையாளர்கள்.
ஈரான் தாக்குதலில் நொறுங்கிப் போன அமெரிக்க போர் விமானங்கள்: வெளியானப் புகைப்படங்களால் அதிர்ச்சி News Lankasri
குக் வித் கோமாளி 7வது சீசனில் அய்யனார் துணை சீரியல் ஜோடி... வேறு யாரெல்லாம் பாருங்க, வீடியோ Cineulagam
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026
புங்குடுதீவு 10ம் வட்டாரம், புங்குடுதீவு, கொழும்பு, Basel, Switzerland
15 Mar, 2022
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
