குறைந்த வருமானம் பெறும் குடும்பங்களுக்கு வீட்டு உரிமை

குறைந்த வருமானம் பெறும் குடும்பங்களுக்கு வீட்டு உரிமை வழங்கும் திட்டத்தை வரவு செலவுத் திட்டத்தின் மூலம் நிதியமைச்சரான ஜனாதிபதி ரணில் விக்ரமசிங்க முன்வைத்துள்ளதாக ஆளும் கட்சியின் பிரதான அமைப்பாளர் பிரசன்ன ரணதுங்க தெரிவித்துள்ளார்.

இது அமைப்பை மாற்றும் வரவு செலவுத் திட்டமே தவிர எளிய, மலிவு, விசித்திரக் கதைகளை உள்ளடக்கிய வரவு செலவுத் திட்டம் அல்ல என அவர் வலியுறுத்தியுள்ளார்.

வரவு செலவுத் திட்டத்தை விமர்சித்து எதிர்க்கட்சிகள் பாரம்பரிய அரசியலில் ஈடுபட்டாலும், நாடு எதிர்கொண்டுள்ள பொருளாதார நெருக்கடியை மக்கள் உணர்ந்து அதற்கான நடவடிக்கைகளை மேற்கொண்டு வருவதாக அமைச்சர் கூறியுள்ளார் .

இலங்கையில் தங்கத்தின் விலையில் ஏற்பட்டுள்ள திடீர் மாற்றம்

வளமான பொருளாதார கொள்கை

பத்தரமுல்லை, செத்சிறிபாயவில் அமைந்துள்ள நகர அபிவிருத்தி மற்றும் வீடமைப்பு அமைச்சின் கேட்போர் கூடத்தில் இன்று (14.11.2023) இடம்பெற்ற கலந்துரையாடலில் கலந்து கொண்டு அமைச்சர் இதனைத் தெரிவித்துள்ளார்.

மேலும் கூறியதாவது, ''நாங்கள் தற்போது மிகவும் கடினமான சூழலை எதிர்கொண்டுள்ளோம். வரிசைகளின் சகாப்தத்தில் எதிர்மறைப் பொருளாதாரத்தைக் கொண்டிருந்த நாட்டில் வளமான பொருளாதாரத்தைக் கட்டியெழுப்புவதற்கான பயணம் இது.

எனவே, இந்த ஆண்டும் சவாலான வரவு செலவுத் திட்டத்தை அரசாங்கம் தயாரிக்க வேண்டியிருந்தது. நாட்டின் பொருளாதாரத்தை வலுப்படுத்தும் இந்த வங்குரோத்து நிலையிலிருந்து விடுபட வேண்டும்.

அந்த மனோபாவத்தின் அடிப்படையில்தான் இந்த ஆண்டுக்கான வரவு செலவுத் திட்டம் தயாரிக்கப்பட்டது.

இந்த வருட வரவு செலவுத் திட்டத்தில் அரச ஊழியர்களுக்கான பத்தாயிரம் ரூபா சம்பள அதிகரிப்பு, சிறப்பு தேவையுடையோர் மற்றும் சிறுநீரகக் கோளாறு உள்ளவர்களின் கொடுப்பனவு 5,000 ரூபாவிலிருந்து 7,500 ரூபாவாக அதிகரிக்கப்பட்டுள்ளது.

பொதுமக்களுக்கு இலங்கை மின்சார சபை விடுத்துள்ள வேண்டுகோள்

ஐம்பதாயிரம் குடும்பங்களுக்கு வீட்டு உரிமை 

கணவனை இழந்த மற்றும் ஆதரவற்றோரின் ஓய்வூதியத்தை உயர்த்துதல், அரசு ஊழியர்களுக்கு பேரிடர் கடன் வசதி மீண்டும் வழங்குதல், நாட்டிற்கு நான்கு புதிய பல்கலைக்கழகங்கள் நிறுவுதல், தேசிய கல்விப் பல்கலைக்கழகம் நிறுவுதல், புதிய தொழில்நுட்ப பல்கலைக்கழகம் வழங்குதல், தற்போது நிறுத்தப்பட்டுள்ள திட்டங்களுக்கு ஐயாயிரத்து 500 கோடி ரூபாய் ஒதுக்கீடு போன்ற சாதகமான முன்மொழிவுகள் உள்ளன.

பல்வேறு நகர்ப்புற திட்டங்களின் கீழ் நிர்மாணிக்கப்பட்ட வீடுகளில் மூவாயிரம் ரூபாய் வாடகை அடிப்படையில் இருந்த குறைந்த வருமானம் பெறும் குடும்பங்களின் வாடகை நிறுத்தப்பட்டுள்ளது.

அதன்படி ஐம்பதாயிரம் குடும்பங்களுக்கு வீட்டு உரிமை கிடைக்கும். இந்த வரவு செலவு திட்ட அறிக்கையில் சேர்க்கப்பட்டுள்ள சிறந்த முன்மொழிவுகளில் இதுவும் ஒன்றாகும்.

குறைந்த வருமானம் கொண்ட குடும்பங்களுக்கு இந்த திட்டம் கொண்டு வரும் நிவாரணம் பற்றி சொல்ல வார்த்தைகள் இல்லை. குறைந்த வருமானம் பெறும் குடும்பங்களை வலுப்படுத்துவதற்காகவே இவ்வாறானதொரு பிரேரணையை நாங்கள் சேர்த்துள்ளோம்.

எனவே, அமைச்சு என்ற வகையில் கீழ் மட்டத்தில் இந்த வரவு செலவுத் திட்ட பிரேரணையை நடைமுறைப்படுத்துவதற்கு அர்ப்பணிப்புடன் செயற்படுகின்றோம்." என்றார்.

பணயக் கைதிகளை விடுவிக்க ஒப்பந்தம்: இஸ்ரேலின் முடிவை உற்றுநோக்கும் சர்வதேசம்

வரவு - செலவுத் திட்டம் 2024 : துண்டு விழும் தொகை 2 ஆயிரத்து 851 பில்லியன் ரூபா