லங்காசிறி FM
அமெரிக்காவை அச்சுறுத்தும் கடும் சூறாவளி! அச்சத்தில் மக்கள்
அமெரிக்காவின் கலிபோர்னியா மாநிலத்தைக் கடுமையான சூறாவளி தாக்க இருப்பதாக அந்நாட்டு வானிலை ஆராய்ச்சியாளர்கள் எச்சரிக்கை விடுத்துள்ளனர்.
ஹிலாரி (Hilary) என பெயரிடப்பட்டுள்ள இந்த சூறாவளி நேற்று (18.08.2023) உருவாகியுள்ளது. கிழக்கு பசுபிக் கடல் பகுதியை நோக்கி விரையும் இந்த சூறாவளி மெக்சிகோ நாட்டிலும், அமெரிக்காவின் கலிபோர்னியா மாநிலத்திலும் கடும் மழை பொழிவை ஏற்படுத்தலாம் என்றும் ஆராய்ச்சியாளர்கள் அறிவித்துள்ளனர்.
84 வருடங்களுக்குப் பிறகு ஏற்படும் சூறாவளி
அமெரிக்காவில் கடந்த 1939ஆம் ஆண்டு சூறாவளி காரணமாக இந்த பகுதியில் கடும் மழை மற்றும் பெருமளவு பாதிப்பு ஏற்பட்டுள்ளது.
இந்த முறையும் இது நடந்தால் கிட்டத்தட்ட 84 வருடங்களுக்குப் பிறகு ஏற்படும் சூறாவளியாக இருக்கும் எனவும் வானிலை ஆராய்ச்சியாளர்கள் கூறுகின்றனர்.
தற்போதைய நிலவரப்படி, மணிக்கு 140 மைல் (மணிக்கு 225 கி.மீ.) வேகத்தை அடைந்துள்ள இந்த சூறாவளியை 4ஆவது ரகமாக தேசிய சூறாவளி மைய நிபுணர்கள் வகைப்படுத்தியுள்ளனர்.
இதன் காரணமாகத் தென்மேற்கு அமெரிக்காவில் இன்று (19.08.2023) ஆரம்பித்து அடுத்த வாரம் 23.08.2023 (புதன்கிழமை) வரை பாரிய புயல் காற்றும், கடும் மழையும் பெய்யக்கூடும் என்றும் இது நாளை (20.08.2023), நாளை மறுநாள் (21.08.2023) மேலும் தீவிரமடையலாம் என்றும் தெரிவிக்கப்பட்டுள்ளது.
இந்த புயல் காரணமாகக் கடுமையான சேதங்கள் உண்டாகலாம் எனவும் தேசிய வானிலை சேவை எச்சரித்துள்ளது. இந்த சூறாவளி தெற்கு கலிபோர்னியா, தெற்கு நிவேடா, மேற்கு அரிசோனா மற்றும் தென்மேற்கு உட்டா பகுதிகளில் பாதிப்பை ஏற்படுத்தும் என்று தெரிவிக்கப்பட்டுள்ளது.
அவசரக்கால சேவை
சூறாவளி மற்றும் கடும் மழை எச்சரிக்கையை அடுத்து, மக்கள் தாங்கள் வசிக்கும் பகுதிகளில் வெள்ள நீர் புகுவதைத் தடுக்கும் பணியிலும், மின்சாரம் துண்டிக்கப்பட்டால் அதைச் சமாளிக்க ஜெனரேட்டரையும் தயார் செய்து வருவதாக அதிகாரிகள் தெரிவித்துள்ளனர்.
மழை வெள்ளத்தால் வீதி போக்குவரத்து தடைப்படலாம் என எச்சரிக்கை விடப்பட்டுள்ளதால், அவசரக்கால சேவை அமைப்புகளும், பேரிடர் மேலாண்மை அமைப்புகளும், மக்களுக்குப் பாதுகாப்பான தங்குமிட வசதிகளையும், அங்கு தேவைப்படும் உணவு, குடிநீர் உள்ளிட்ட அத்தியாவசிய பொருட்களையும் சேமித்து, சீராக வினியோகம் செய்வதற்கான முன்னேற்பாடுகளில் தீவிரம் காட்டி வருகின்றனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 11ம் வட்டாரம், புங்குடுதீவு 2ம் வட்டாரம், Hannover, Germany
28 Dec, 2022
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
அனலைதீவு 3ம் வட்டாரம், Wimbledon, United Kingdom, Thames Ditton, United Kingdom, Croydon, United Kingdom
09 Jan, 2024
