நுவரெலியாவில் பலத்த மழை: போக்குவரத்து துண்டிப்பு

Nuwara Eliya Climate Change Weather

By Malaivanjan Apr 20, 2026 05:17 PM GMT

Malaivanjan

in இயற்கை

Report

நுவரெலியா மாவட்டத்தில் இன்று(20.4.2026) பல பிரதேசங்களில் பலத்த மழை பெய்துள்ளது.

சில பிரதேசங்களில் மழையுடன் கடும் காற்று வீசியதனால் மரங்கள் முறிந்து வீழ்ந்து பொது போக்குரவத்து துண்டிக்கப்பட்டுள்ளதாக பாதுகாப்பு தரப்பினர் தெரிவித்தனர்.

நோர்வூட் பகுதியில் மழையுடன் வீசி கடும் காற்றினால் தியசிறிகம, அயரபி, ஹொன்சி உள்ளிட்ட பகுதிகளில் பாரிய மரங்கள் முறிந்து வீழ்ந்து போக்குவரத்துக்கு தடை ஏற்பட்டுள்ளன.

கடும் மழை

ஒரு சில இடங்களில் வீடுகளின் கூரைகள் மீதும் மரங்கள் முறிந்து வீழ்ந்துள்ளன.இதனால் எவருக்கும் காயங்கள் ஏற்டாத போதிலும் வீடுகளின் கூரைகள் சேதமடைந்துள்ளன.

நுவரெலியாவில் பலத்த மழை: போக்குவரத்து துண்டிப்பு | Heavy Rains Cause Trees To Fall Nuwara Eliya

இதேவேளை ஹட்டனிலும் அதனை அண்டிய பகுதியிலும் மாலையில் கடும் மழை பெய்து வருவதுடன் ஹட்டன் கொழும்பு மற்றும் ஹட்டன் நுவரெலியா பிரதான வீதியில் பல இடங்களில் பனி மூட்டமும் காணப்படுகின்றன.

எச்சரிக்கை

இதனால் வளைவுகள் நிறைந்த இந்த வீதிகளை பயன்படுத்தும் வாகன சாரதிகள் மிகவும் அவதானமாக தங்களின் வாகனங்களை முகப்பு விளக்குகளை ஒளிரச்செய்தவாறு அவதானமாக செலுத்துவதன் மூலம் விபத்துக்களை தவிர்த்து கொள்ளலாம் என போக்குவரத்து பொலிஸார் எச்சரித்துள்ளனர்.

நுவரெலியாவில் பலத்த மழை: போக்குவரத்து துண்டிப்பு | Heavy Rains Cause Trees To Fall Nuwara Eliya

மழையுடன் கடும் இடி மின்னல் தாங்கள் காணப்படுவதனால் இலத்திரனியல் மற்றும் மின் உபகரங்கள் பயன்படுத்துவதில் அவதானமாக இருக்குமாறும் கேட்டுக்கொள்ளப்பட்டுள்ளது.