ஹட்டன் - கொழும்பு பிரதான வீதியின் போக்குவரத்து நிறுத்தம் - சாரதிகளுக்கு அவசர அறிவுறுத்தல்

Colombo Weather Hatton

By Dhayani Aug 03, 2026 07:58 AM GMT

Dhayani

in சமூகம்

Report

தொடரும் சீரற்ற வானிலை காரணமாக ஹட்டன் - கொழும்பு பிரதான வீதியின் போக்குவரத்து முற்றிலும் நிறுத்தப்பட்டுள்ளதாக பொலிஸார் தெரிவித்துள்ளனர்.

ஹட்டன் - கொழும்பு பிரதான வீதியின் தியகல பகுதியில் பல இடங்களில் மண்மேடுகள் சரிந்து விழுந்தமையினால் பாதுகாப்பு நடவடிக்கைகளுக்காக அவ்வீதியூடான போக்குவரத்து நிறுத்தப்பட்டுள்ளன.

சாரதிகளுக்கு முக்கிய அறிவுறுத்தல்

இதன் காணரமாக ஹட்டனிலிருந்து கினிகத்தேனை, நாவலப்பிட்டி, கண்டி மற்றும் கொழும்பு நோக்கிப் பயணிக்கும் வாகனங்களுக்கும், அத்திசைகளிலிருந்து ஹட்டன் நோக்கி செல்லும் வாகனங்களுக்கும் போக்குவரத்துக்கு தடைகள் ஏற்பட்டுள்ளன.

ஹட்டன் - கொழும்பு பிரதான வீதியின் போக்குவரத்து நிறுத்தம் - சாரதிகளுக்கு அவசர அறிவுறுத்தல் | Hatton Colombo Road Blocked By Landslides Stop

இதன் காரணமாக வீதியின் இருபுறமும் பெருமளவிலான வாகனங்கள் நீண்ட வரிசைகளில் நிறுத்தி வைக்கப்பட்டுள்ளதுடன், மண்மேடுகளை அகற்றும் நடவடிக்கையில் வீதி அபிவிருத்தி அதிகாரசபையும் பிரதேச மக்களும் இணைந்து செயற்படுகின்றனர்.

எவ்வாறாயினும், நிலவும் சீரற்ற வானிலையைக் கருத்திற் கொண்டு மாற்று வீதிகளைப் பயன்படுத்துமாறு பொலிஸார் சாரதிகளைக் கேட்டுக்கொண்டுள்ளனர்.