அம்பாறை விபத்தில் உயிரிழந்த சிறுவனின் குடும்பத்தினிடம் சடலம் ஒப்படைப்பு

Ampara Sri Lanka Eastern Province

By Farook Sihan Mar 01, 2024 09:14 AM GMT

Farook Sihan

in விபத்து

Report

அம்பாறையில் பாடசாலை மாணவர்களை ஏற்றி செல்லும் சிற்றூர்தி (வான்) மோதி உயிரிழந்த சிறுவனின் சடலம் குடும்பத்தினிடம் ஒப்படைக்கப்பட்டுள்ளது.

அம்பாறையில் பெரிய நீலாவணை பொலிஸ் பிரிவிற்குட்பட்ட பகுதியில் நேற்று (29.02.2024) விபத்து சம்பவித்துள்ளது.

விபத்து தொடர்பில் தெரியவருவகையில்,

அம்பாறை பெரிய நீலாவணை பொலிஸ் பிரிவிற்குட்பட்ட வீடு ஒன்றின் முற்றத்தில் விளையாடிக் கொண்டிருந்த சிறுவன் வீட்டின் கதவு தற்செயலாக திறந்த நிலையில் வீதியை நோக்கி ஓடிய வேளை, பாடசாலை மாணவர்களை ஏற்றி செல்லும் சிற்றூர்தி மோதியதில் நேற்றுசிறுவன் படுகாயமடைந்தான்.

பிரதேசவாசிகள்

இந்நிலையில் படுகாயமடைந்த சிறுவன் கல்முனை ஆதார வைத்தியசாலைக்கு சிகிச்சைக்காக எடுத்து சென்ற நிலையில் உயிரிழந்துள்ளார்.

அம்பாறை விபத்தில் உயிரிழந்த சிறுவனின் குடும்பத்தினிடம் சடலம் ஒப்படைப்பு | Handing Over Body Boy Who Died Ampara Accident

இவ்வாறு உயிரிழந்தவர் பெரிய நீலாவணை விஷ்ணு வித்தியாலய வீதியை சேர்ந்த 4 வயது மதிக்கத்தக்க அருணா ஹர்ஷான் என்பதுடன் விபத்தின் போது சிறுவனின் சகோதரியை ஏற்ற வந்த சிற்றூர்தி சிறுவனை மோதியதாக பிரதேசவாசிகள் தெரிவித்தனர்.

குறித்த சம்பவம் தொடர்பில் பெரிய நீலாவணை பொலிஸார் மேலதிக விசாரணைகளை மேற்கொண்டு வருவதுடன் கலமுனை ஆதார வைத்தியசாலை பிரேத அறையில் வைக்கப்பட்டிருந்த சடலம் மரண விசாரணையின் பின்னர் உறவினர்களிடம் ஒப்படைக்கப்பட்டுள்ளது.