வெளிநாட்டில் இருந்து யாழ்ப்பாணம் வருவோருக்கு சிக்கல்! இலக்கு வைக்கும் மர்மக் கும்பல்

Sri Lanka Police Jaffna Crime

By Theepan Jul 15, 2026 05:27 AM GMT

Theepan

in குற்றம்

Report

காரைநகரில் வெளிநாட்டிலிருந்து வருகை தருவோரின் வீடுகளை இலக்குவைத்து மேற்கொள்ளப்பட்ட திருட்டுச் சம்பவங்களுடன் தொடர்புடைய இருவர் யாழ்.மாவட்ட குற்றத்தடுப்புப் பிரிவினரால் கைது செய்யப்பட்டுள்ளனர்.

குறித்த கைது நடவடிக்கை நேற்று(14.07.2026) முன்னெடுக்கப்பட்டுள்ளது.

நீதிமன்றில் முற்படுத்த நடவடிக்கை

காரைநகரிலுள்ள வீடொன்றில் 1600 கனேடிய டொலர், ஒரு சோடி காப்பு மற்றும் கடவுச்சீட்டு என்பனவும் மற்றொரு வீட்டில் 400 அமெரிக்க யூரோ மற்றும் இலங்கை மதிப்பிலான ஒரு இலட்சம் ரூபா என்பனவும் களவாடப்பட்டுள்ளன.

வெளிநாட்டில் இருந்து யாழ்ப்பாணம் வருவோருக்கு சிக்கல்! இலக்கு வைக்கும் மர்மக் கும்பல் | Gang Thieves Targeting Homes Of Foreign Visitors

இதுதொடர்பில் வீட்டின் உரிமையாளர்களால் மேற்கொள்ளப்பட்ட முறைப்பாட்டுக்கு அமைய யாழ்.மாவட்ட குற்றத்தடுப்புப் பிரிவு பொலிஸார் விசாரணைகளை துரிதப்படுத்தியிருந்தனர்.

விசாரணைகளுககு அமைய காரைநகரைச் சேர்ந்த 26 மற்றும் 27 வயதுடைய இரண்டு இளைஞர்கள் கைது செய்யப்பட்டுள்ளனர்.

சந்தேநபர்களிடமிருந்து களவாடப்பட்ட பணம், நகை என்பனவும் பொலிஸாரால் மீட்கப்பட்டுள்ளது.

சந்தேநபர்களை மேலதிக விசாரணைகளின் பின் நீதிமன்றில் முற்படுத்த பொலிஸார் நடவடிக்கை எடுத்துள்ளனர்.