அமெரிக்காவிலிருந்து சென்ற விமானத்தில் நடுவானில் திடீரென உடைந்து விழுந்த விமான கதவு: குழப்பத்தில் பயணிகள்

United States of America

By Dhayani Jan 06, 2024 02:17 PM GMT

Dhayani

in அமெரிக்கா

Report

அமெரிக்காவிலிருந்து சென்ற விமானத்தின் கதவு திடீரென நடுவானில் உடைந்து பறந்து சென்றமையினால் விமானம் அவசரமாக தரையிறக்கப்பட்டுள்ளது.

அமெரிக்காவின் போர்ட்லேண்டில் உள்ள சர்வதேச விமான நிலையத்தில் இருந்து அலாஸ்கா ஏர்லைன்ஸ் நிறுவனத்தின் போயிங் 737 மேக்ஸ் ரக விமானம் நேற்று மாலை 171 பயணிகள் மற்றும் 6 சிப்பந்திகளுடன் புறப்பட்டு சென்றுள்ளது.

இதன்போது விமானம் நடுவானில் 16,325 அடி உயரத்தில் சென்று கொண்டிருந்தபோது, திடீரென விமானத்தின் மைய பகுதியில் இருந்த கதவு உடைந்து பறந்து சென்றுள்ளது.

அமெரிக்காவிலிருந்து சென்ற விமானத்தில் நடுவானில் திடீரென உடைந்து விழுந்த விமான கதவு: குழப்பத்தில் பயணிகள் | Flight Door Open In Mid Airway

பயணிகள் மத்தியில் பதற்றம்

இதன் பின்னர் பயணிகள் மத்தியில் பதற்றம் நிலவியமையினால் உடனடியாக விமானம் போர்ட்லேண்ட் விமான நிலையத்திற்கு திருப்பிவிடப்பட்டு விமானம் பாதுகாப்பாக நேற்றிரவு தரையிறக்கப்பட்டுள்ளது.

இதனை தொடர்ந்து அமெரிக்காவின் தேசிய போக்குவரத்து பாதுகாப்பு வாரியம் விசாரணைகளை முன்னெடுத்துள்ளது.

கடந்த ஆண்டு நவம்பர் 11 ஆம் திகதி முதல் வர்த்தக பயன்பாட்டுக்கு வந்த போயிங் ரக விமானம் இதுவரை 145 முறை விமான பயணத்தில் ஈடுபட்டுள்ளதாக பிளைட்ராடார் 24 என்ற விமான இயக்க கண்காணிப்பகம் தெரிவித்துள்ளது.