லங்காசிறி FM
முல்லைத்தீவில் தொடர் போராட்டத்தில் ஈடுபட்டுள்ள கடற்றொழிலாளர்கள்: முன்வைக்கப்பட்டுள்ள கோரிக்கை
முல்லைத்தீவு (Mullaitivu) - தியோநகர் பகுதியில் உள்ள கடற்றொழிலாளர்கள் கடலுக்கு செல்லும் வீதியிலுள்ள தடையினை அகற்றுமாறு கோரி தொடர் போராட்டம் ஒன்றினை முன்னெடுத்துள்ளனர்.
குறித்த தொடர் போராட்டமானது, நேற்று (26.05.2024) இரவு முதல் மேற்கொள்ளப்பட்டு வருகின்றது.
முல்லைத்தீவு கரையோர கிராமங்களில் ஒன்றான தியோநகர் பகுதியில் உள்ள பிராதான வீதியினையும், கடற்கரையினையும் இணைக்கும் இணைப்பு வீதியானது சில தரப்பினரால் மறித்து வேலி இடப்பட்டுள்ளது.
தனியார் நிறுவனம்
இதனை தொடர்ந்து, இந்த வீதியூடாக கடற்றொழிலுக்கு செல்ல முற்பட்ட கடற்றொழிலாளர்களுக்கு கடலுக்கு செல்வதில் சிரமம் ஏற்பட்டுள்ளது.
இதன் பின்னர், தியோநகர் கடற்றொழிலாளர்கள் ஒன்று கூடி குறித்த வேலிகளை அகற்றியுள்ளனர்.
இந்நிலையில், அப்பகுதியில் சுற்றுலாத்தளம் ஒன்றினை அமைத்துள்ள தனியார் நிறுவனம் தொடர்ச்சியாக கடற்றொழிலாளர்களுக்கு இடையூறாக செயற்பட்டு வருவதாகவும் அங்குள்ள வளங்களை சுரண்டி வருவதாகவும் அப்பகுதி மக்கள் குற்றம் சுமத்தி வருகின்றனர்.
உரிய நடவடிக்கை
அதேவேளை, தமது கடற்றொழில் படகுகள் மற்றும் வலைகளை உள்ளே வைத்தே கடலுக்கு செல்லும் பாதையினை அடைத்ததாகவும் கரையோரத்தில் கடற்றொழிலில் ஈடுபடுவதற்கு சுதந்திரம் இல்லை எனவும் கடற்றொழிலாளர்களால் தெரிவிக்கப்பட்டுள்ளது.
மேலும், இது தொடர்பில் அதிகாரிகளுக்கு முறையிட்டும் பயன் கிடைக்கவில்லை எனவும் சம்பவ இடத்திற்கு வந்த பொலிஸாரும் உரிய முறையில் தீர்வினை வழங்கவில்லை எனவும் அப்பகுதி கடற்றொழிலாளர்கள் சுட்டிக்காட்டியுள்ளனர்.
இந்நிலையில், தமக்கான நிரந்தரத்தீர்வு கிடைக்கும் வரை தொடர் போராட்டத்தில் ஈடுபடப்போவதாக கடற்றொழிலாளர்கள் தெரிவித்துள்ளனர்.
இதற்கிடையில், சம்பவ இடத்திற்கு, முன்னாள் வடமாகாண சபை உறுப்பினர் துரைராசா ரவிகரன் (T. Raviharan) நேரில் சென்று கடற்றொழிலாளர்களின் பிரச்சினைகளை கேட்டறிந்துள்ளமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
