யாழில் கடற் தொழிலாளர்களின் போராட்டத்திற்கு தடை! (PHOTO)

srilanka police protest court peoples fisher man

By S P Thas Feb 03, 2022 12:09 PM GMT

S P Thas

in சமூகம்

Report

கடற் தொழிலாளர்களின் போராட்டத்திற்கு எதிராக பருத்தித்துறை நீதிமன்றத்தில் பொலிஸாரினால் தடையுத்தரவு பெறப்பட்டுள்ளதாக தகவல்கள் வெளியாகியுள்ளன.

இந்திய இழுவைப் படகுகளை அனுமதிக்க கூடாது என்றும், உயிரிழந்த இரண்டு கடற் தொழிலாளர்களுக்கு நீதி கோரியும், அமைச்சர் இதற்கான நடவடிக்கையை எழுத்து மூலம் வழங்க வேண்டும் என்று கோரியும் போராட்டங்கள் தீவிரப்படுத்தப்பட்டுள்ளன.

யாழ்ப்பாணத்தின் பல பகுதிகளிலும் கடற் தொழிலாளர்களினால் இப்போராட்டம் வீரியம் பெற்றிருந்தது. எனினும் அமைச்சருடனான கலந்துரையாடல்களின் போது அமைச்சர் எழுத்து மூலமான உத்தரவாதத்தை வழங்க மறுத்ததையடுத்து போராட்டம் மேலும் விரிவடைந்தது.

இந்த நிலையில், நாட்டில் கோவிட் தொற்று தீவிரமடைவதைக் காரணம் காட்டியும், உயர் தரப் பரீட்சையினை தொடர்படுத்தியும், பருத்தித்துறை நீதிமன்றத்தில் பொலிஸாரினால் தடையுத்தரவு பெறப்பட்டுள்ளதாக தகவல்கள் தெரிவிக்கின்றன.

நீதிமன்ற கட்டளையின் பிரகாரம், வீதி மறியலில் ஈடுபட்டுள்ள கடற் தொழிலாளர்களை கலைந்து செல்லுமாறு பொலிஸார் அறிவித்துள்ளனர். அதற்கு கடற் தொழிலாளர்கள“ எதிர்ப்பு தெரிவித்துள்ள நிலையில் பொலிஸ் விசேட அதிரடி படையினரும் போராட்ட இடத்திற்கு வரவழைக்கப்பட்டுள்ளனர்.