முதல் முறையாக மிகப் பெரும் நட்டத்தை சந்தித்த பேஸ்புக்! ஏற்பட்டுள்ள சரிவு தொடர்பில் வெளிவந்த தகவல்

Facebook Zuckerberg Billion lose shares

By Amal Feb 04, 2022 09:19 AM GMT

Amal

in சமூகம்

Report

ஃபேஸ்புக்கின் உரிமையாளர் மெட்டா தளத்தின் பங்கு பரிமாற்றம் நேற்று வியாழன் அன்று 230 பில்லியன் டொலர்களால் சரிவை சந்தித்துள்ளது.

கடந்த காலாண்டு புள்ளிவிபரங்களில் முதலீட்டாளர்களின் அதிருப்தி காரணமாகவே பங்குகள் 26.4% வீதத்தினால் சரிவடைந்துள்ளன.

இதேவேளை ஃபேஸ்புக்கின் நாளாந்த செயலில் உள்ள பயனர்களும் கடந்த 18 ஆண்டுகால வரலாற்றில் முதல் முறையாக குறைந்துள்ளதாகவும் மெட்டா தெரிவித்துள்ளது.

முதல் முறையாக மிகப் பெரும் நட்டத்தை சந்தித்த பேஸ்புக்! ஏற்பட்டுள்ள சரிவு தொடர்பில் வெளிவந்த தகவல் | Facebook Owner Meta Sees Biggest Ever Stock

அத்துடன் ப்ளூம்பெர்க் பில்லியனர்ஸ் தரவின்படி பேஸ்புக் நிறுவனத்தின் பங்கு விலை சரிவு காரணமாக, அதன் தலைமை நிர்வாகி மார்க் ஸூக்கர்பெர்க்கின் சொத்தின் நிகர மதிப்பு 31 பில்லியன் டொலர்களால் குறைந்துள்ளது.

இதன்படி, பேஸ்புக் உரிமையாளர்- ஸூக்கர்பெர்க்கின் தனிப்பட்ட செல்வத்தில் ஏற்பட்ட வீழ்ச்சி எஸ்தோனியா நாட்டின் ஒரு வருடத்துக்கான மொத்த உள்நாட்டு உற்பத்திக்கு சமம் என்று தெரிவிக்கப்பட்டுள்ளது.

முந்தைய காலாண்டில் 1.930 பில்லியனாக இருந்த ஃபேஸ்புக்கின் பயனர்கள், டிசம்பர் இறுதி வரையிலான மூன்று மாதங்களில் 1.929 பில்லியனாக குறைந்துள்ளதாக மெட்டாத் தளம் வெளியிட்ட தகவலை அடுத்தே, பங்கு பரிமாற்றத்தில் வீழ்ச்சி ஏற்பட்டுள்ளது.

இந்தநிலையில் பார்வையாளர்கள், குறிப்பாக இளைய பயனர்கள் போட்டித்தன்மை காரணமாக வெளியேறியதால், நிறுவனத்தின் விற்பனை வளர்ச்சி பாதிக்கப்பட்டுள்ளதாக ஸூக்கர்பெர்க் கூறியுள்ளார்.