லங்காசிறி FM
கொழும்பு தேசிய வைத்தியசாலையில் இருந்து சிறைச்சாலைக்கு திரும்பிய ஷிரந்தி
புதிய இணைப்பு
விளக்கமறியலில் வைக்கப்பட்டிருந்த முன்னாள் முதல் பெண்மணி ஷிராந்தி ராஜபக்ச இன்று(09) கொழும்பு தேசிய கண் வைத்தியசாலைக்கு கொண்டுவரப்பட்ட பின்னர், அங்கிருந்து அழைத்துச் செல்லப்பட்டுள்ளார்.
கண் பாதிப்பு காரணமாக, சிறைச்சாலை அதிகாரிகள் இன்று அவரை கண் வைத்தியசாலைக்கு அழைத்து வந்துள்ளனர். இதற்கிடையில், நேற்று (08) அவர் ஒரு சிறைச்சாலை மருத்துவ நிபுணரிடம் அனுப்பப்பட்டார்.
வழங்கப்பட்ட மருத்துவ ஆலோசனையின் அடிப்படையில், தேசிய கண் மருத்துவமனையில் உள்ள ஒரு நிபுணரால் அவர் பரிசோதிக்கப்பட வேண்டும் என்று பரிந்துரைக்கப்பட்டுள்ளது.
இதற்கமைய, ஷிராந்தி ராஜபக்சவை இன்று(09) கண் வைத்தியசாலைக்கு அழைத்து வந்துள்ளனர்.
இரண்டாம் இணைப்பு- 11:31 AM(SL/Time)
முன்னாள் முதற்பெண்மணி ஷிரந்தி ராஜபக்ச கொழும்பு தேசிய வைத்தியசாலைக்கு அழைத்து வரப்பட்டுள்ளார்.
கைது செய்யப்பட்டு விளக்கமறியலில் வைக்கப்பட்டுள்ள ஷிரந்தி ராஜபக்ச கண் பரிசோதனைக்காக கொழும்பு தேசிய வைத்தியசாலைக்கு அழைத்து வரப்பட்டுள்ளார்.
முதலாம் இணைப்பு - 08:40 AM(SL/Time)
கைது செய்யப்பட்டு விளக்கமறியலில் வைக்கப்பட்டுள்ள முன்னாள் முதற்பெண்மணி ஷிரந்தி ராஜபக்ச கண் பரிசோதனைக்காக இன்று அழைத்துச் செல்லப்படவுள்ளார்.
கொழும்பு தேசிய வைத்தியசாலைக்கு அவர் அழைத்துச் செல்லப்படவுள்ளதாக சிறைச்சாலைகள் ஊடகப் பேச்சாளர் தெரிவித்துள்ளார்.
இதற்கு முன்னர் கொழும்பில் உள்ள தனியார் வைத்தியசாலைக்கு ஷிரந்தி ராஜபக்சவை நேற்றையதினம் அழைத்துச் செல்ல தீர்மானம் மேற்கொள்ளப்பட்டிருந்த நிலையில், அந்த முடிவில் மாற்றம் ஏற்படுத்தப்பட்டு அவரை கொழும்பு தேசிய வைத்தியசாலைக்கு அழைத்துச் செல்ல தீர்மானிக்கப்பட்டது.
இன்று பரிசோதனை
அத்துடன், நேற்றையதினம் ஷிரந்தி ராஜபக்ச சிறைச்சாலை மருத்துவமனையின் விசேட மருத்துவரிடம் முன்னிலைப்படுத்தப்பட்டதாக சிறைச்சாலை ஊடகப் பேச்சாளர் தெரிவித்திருந்தார்.
இதன் அடிப்படையில் இன்று அவரை கொழும்பு தேசிய வைத்தியசாலைக்கு அழைத்துச் செல்ல தீர்மானிக்கப்பட்டது.
இலஞ்ச ஊழல் ஆணைக்குழுவினால் கைது செய்யப்பட்ட ஷிரந்தி ராஜபக்ச தனது கண்ணில் சத்திரசிகிக்சை மேற்கொள்ளப்பட்டது போன்று கண்ணை பாதுகாக்கும் ஒரு சிறு கவசகத்தினால் கண்களை மூடியிருந்தார்.
எனினும், இது பல சர்ச்சைகளை தோற்றுவித்திருந்தது. இந்நிலையில் தனியார் வைத்தியசாலைக்கு செல்வதை தவிர்த்து, அரசாங்க வைத்தியசாலைக்கு செல்வதன் மூலம் அதன் உண்மைத் தன்மை அம்பலமாகவுள்ளமை குறிப்பிடத்தக்கது.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
