லங்காசிறி FM
இராணுவத்தின் முன்னாள் தளபதி நந்த மல்லவராச்சி மேல்முறையீட்டு நீதிமன்றத்தில் மனு தாக்கல்
Amal
in சட்டம் மற்றும் ஒழுங்கு
இலங்கை இராணுவத்தின் முன்னாள் தளபதி மேஜர் ஜெனரல் நந்த மல்லவராச்சி, 2014 ஆம் ஆண்டு கேரம் போர்ட் இறக்குமதி செய்த வழக்கில் சட்டமா அதிபர் தனக்கு எதிராக குற்றப்பத்திரிகை தாக்கல் செய்ததை எதிர்த்து மேல்முறையீட்டு நீதிமன்றத்தில் நீதிப்பேராணை மனுவை தாக்கல் செய்துள்ளார்.
இந்த மனு, மல்லவராச்சி விளையாட்டு அமைச்சின் செயலாளராக பணியாற்றியபோது, இடம்பெற்ற சம்பவங்களுடன் தொடர்புடையதாகும்.
மனு தாக்கல்
ஊழல் தடுப்பு ஆணையகத்தால் தாக்கல் செய்யப்பட்ட தொடர்புடைய முதலாம் வழக்கில், தாம் அரச தரப்பு சாட்சியாக மாறியுள்ள நிலையில், தமக்கு குற்றப்பத்திரிகை தாக்கல் செய்யப்பட்டதை ஆட்சேபித்து இந்த மனு தாக்கல் செய்யப்பட்டுள்ளது.
தாம் விசாரணை அதிகாரிகளுடன் முழுமையாக ஒத்துழைத்ததாகவும், எனினும்,அதே சம்பவத்திலிருந்து எழும் இரண்டாவது வழக்கில், இந்த முறை சட்டமா அதிபரால் குற்றப்பத்திரிகை தாக்கல் செய்யப்பட்டுள்ளமை பொறுத்தற்றது என்றும் அவர் வாதத்தை முன்வைத்துள்ளார்.
சட்டமா அதிபர் திணைக்களம் மற்றும் ஊழல் தடுப்பு ஆணையம் இரண்டு சுயாதீன அமைப்புகள் என்றாலும், இரண்டும் அரசின் ஆயுதங்களைப் பிரதிநிதித்துவப்படுத்துகின்றன என்றும் மனுதாரர் குற்றம் சுமத்தியுள்ளார்.
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
